যিশাইয় 36:9 - Chakma Bible

⁹ যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিশাইয় 36:9 Iomraidhean Croise

২ রাজাবলী 18:24

যুনি সিয়েন ন-পারচ্‌ সালে মঅ গিরোজ্‌সো কাম্‌গুরিয়্যেগুনো ভিদিরে বেগত্তুন্‌ যে চিগোন্‌ তারে বা তুই কেধোক্ক্যেন গুরিনে মানা গুরিবে, যুনিয়ো তুই মিসর রথ আর ঘোড়া সৈন্যগুনো উগুরে বিশ্বেজ্ গরর্‌?

২ রাজাবলী 7:6

লগেপ্রভু রথ, ঘোড়া আর দাঙর্‌ এক্কো সৈন্যর্‌ রঅ অরামীয়গুনোরে শুনেয়্যে। সেক্কে অরামীয় সৈন্যগুনে তারে তে কলাক্‌, “চঅ, আমারে আক্রমণ গুরিবাত্তে ইস্রায়েলর রাজা হিত্তীয় আর মিসরীয় রাজাগুনোরে টেঙা দিয়্যে।”

গম্ উপদেজ্ 21:31

যুদ্ধোর্ দিনুনোত্তে ঘোড়াগুন যুক্কোল্ রাগা অয়, মাত্তর্ জিদেনা লগেপ্রভু উগুরে নির্ভর গরে।

যিশাইয় 10:8

তে কইদ্যে, “মঅ সেনাপতিগুনে কি বেক্কুনে রাজা ধোক্ক্যেন্ নয়?

যিশাইয় 20:5

যিগুনে কূশ দেজ উগুরে বিশ্বেজ্ গোজ্যন আর মিসররে নিইনে বড়াই গোজ্যন্ তারা দোরেবাক্ আর লাজেবাক্।

যিশাইয় 30:7

মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 36:6

তুই দঅ বিশ্বেজ্ গরর্ সেই ভাঙি যেইয়্যে নল, অত্তাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আঢ্‌তান কানা গুরি দিবো। মিসরর্ রাজা ফরৌণ উগুরে যিগুনে বিশ্বেজ্ গরন তারা উগুরে তে সিয়েনই গরে। ‍

যিশাইয় 36:8

“তুমি মর্ ওইনে তমা রাজাবোরে আরঅ কঅ, ‘তুই যুনি পারস্ সালে মর্ গিরোজ্ আসিরিয়ার রাজা সমারে এ বাঁজি ধর্, মুই তরে দ্বি আজার ঘোড়া দিম্ যুনি তুই সিগুনোত্ চড়িবাত্তে মানুচ্ দি পারস্।

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।