যিশাইয় 36:6 - Chakma Bible

⁶ তুই দঅ বিশ্বেজ্ গরর্ সেই ভাঙি যেইয়্যে নল, অত্তাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আঢ্‌তান কানা গুরি দিবো। মিসরর্ রাজা ফরৌণ উগুরে যিগুনে বিশ্বেজ্ গরন তারা উগুরে তে সিয়েনই গরে। ‍

যিশাইয় 36:6 Iomraidhean Croise

২ রাজাবলী 17:4

মাত্তর্‌ আসিরিয়ার রাজা হবর্‌ পেলদে, হোশেয় এক্কো বেঈমান, কিত্তে তে মিসরর সো রাজা ইদু দূত পাদেয়্যে আর আসিরিয়ার রাজারে বজরকে বজর্‌ যে হাজানাগুন্‌ দি এজের্‌ সিগুন্‌ আর্‌ ন-দের্‌। সেনত্তে শল্‌মনেষর হোশেষরে ধুরিনে জেলোত্‌ দিলো।

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

গীতসংহিতা 146:3

কনঅ দাঙর্ পোজিশন মান্‌জ্যলোই, কনঅ মান্‌জ্য উগুরে তুমি বিশ্বেজ্ ন-গোজ্য; তারা উদ্ধোর্ গুরি ন-পারন্।

গম্ উপদেজ্ 25:19

দজাত্ পড়িনে অবিশ্বেজি মান্‌‍জ্য উগুরে নির্ভর গরানা বজং দাত্ আর আদুড়ো টেঙ ধোক্ক্যেন্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিহিষ্কেল 17:17

যুদ্ধোত্ যেক্কে ভালোক্কানি জিংকানি ভস্ত গুরিবাত্তে অজল্ কুড়্ আর নিযো কুড়্ বানা অবঅ সেক্কে ফরৌণর খেমতাবলা দাঙর্ সৈন্যদলুনে তারে সাহায্য ন-গুরিবাক্।

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”