যিশাইয় 36:16 - Chakma Bible

¹⁶ তুমি হিষ্কিয়োর কধা ন-শুন্ন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তার নিজোর্ আংগুর আর ডোমোর্ গাজত্তুন্ ফল আর নিজোর কূয়োত্তুন্ পানি হেই পারিবা।

যিশাইয় 36:16 Iomraidhean Croise

পত্থম 32:20

আর যেরেদি কবা, “তঅ চাগর্‌ যাকোবে আমা পিজেদি আঘে।” যাকোবে মনে মনে এ চিন্তেগান গরের্‌, “মর্‌ আগে আগে যে বক্‌শিজচানি যার্‌ সিয়েনিলোই মুই তারে বুঝেই দিম। তা পরেদি যেক্কে তা সমারে মর্‌ দেগা অবঅ সেক্কে মরে মানি লদে অয়ত তার্‌ কন আবিত্তি ন-থেবঅ।”

পত্থম 33:11

গোজেনে মঅ উগুরে দোয়্যে গোজ্যে, আর মর্‌ যদেষ্ট আঘে। সেনত্তেই এ যে বক্‌শিজ্‌চান তইধু আনা ওইয়্যে সিয়েন্‌ তুই মানি লঅ।” যাকোবে এবাবোত্যেগুরি বোউত্‌ কোজোলী গরানার্‌ পর্‌ এষৌ সিয়েন্‌ মানি-ললঅ।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

১ রাজাবলী 4:25

শলোমনর্ জীংকানিত্‌ যিহূদা আর ইস্রায়েল, অত্তাৎ দানত্তুন্‌ বের্‌-শেবা সং বেক্কুনোর নিজোর নিজোর আংগুর গাছ আর ডোমোর গাজ্‌ এলাক্‌ আর তারা দোলেডালে বজত্তি গুরিদাক্।

২ রাজাবলী 18:31

তুমি হিষ্কিয়ো কধানি ন-শুন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তা নিজোর্‌ আংগুর আর ডুমুর গাজত্তুন্‌ ফল আর নিজো কূয়োত্তুন্‌ পানি হেই পারিবা।

২ রাজাবলী 5:15

সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

গম্ উপদেজ্ 27:18

যে মানুচ্চো ডোমোর গাজরে যত্তন্ গরে তে তার ফলুন্ হেবঅ; যে তা গিরোজ্‌‌সোরে সেবা গরে তে সর্মান পেবঅ।

গম্ উপদেজ্ 5:15

তর্ নিজোর তুবেয়্যে পানিত্তুন্ তুই পানি হাহ্; তর্ নিজো কূয়োবোর লগেলগ্ পানি হাহ্।

যিশাইয় 36:17

সে পরেদি মুই এইনে তমার্ নিজো দেজ ধোক্ক্যেন আর এক্কান দেজত্ তমারে নেযেম। সে দেজ্‌‌‌‌চান অলঅ শোজ্য আর নূয়ো আংগুর-রস দেশ, রুটি আর আংগুর খেদর দেশ।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

সখরিয় 3:10

সেদিন্যে তুমি পত্তিজনে তমার্ আংগুর লুদি আর ডোমোর্ গাজ তলাত্ বুজিবাত্তে তমা পাড়াল্যেগুনোরে ভাত্ত্যেবা। মুই বেগত্তুন খেমতাবলা লগেপ্রভু এ কধাগান কঙর্।’ ”

২ করিন্হীয় 9:5

সেনত্যে মুই এ ভেইয়ুনোর্ আগে তমা ইধু যেবাত্যে কোজোলি গরানা দরকার মনে গুরিলুং, যেন তুমি যে দাঙর্ দান দিবাত্যে এগেম্ গোজ্জ্য সিয়েনর্ বেবস্থা তারা আগেদি গুরিনে থোই পারন্। ইয়েন্দোই তমাত্তুন্ জোর্ গুরিনে আমার্ কিজু আদায় গরা ন-পুরিবো, বরং তুমি যিয়েন দিবা সিয়েন দান ইজেবে আগেত্তুন্ ধুরি যুক্কোল্ থেবা।

১ শমূয়েল 11:3

এই কধাগান শুনিনে যাবেশর্ বুড়ো নেতাগুনে নাহশরে কলাক্, “তুই আমারে সাত দিন সময় দে। ইয়েন ভিদিরে আমি ইস্রায়েল দেজর্‌ বেক্‌ জাগানিত্‌ মানুচ্‌ পাদেইনে হবর্ দিবোং। যুনি কনজনে আমারে রোক্ষে গুরিবাত্তে ন-এজন্‌ সালে আমি তর্‌ অধীনোত্ অবং।”

১ শমূয়েল 25:27

এ চাগরানীবো তা গিরোজ্‌সোত্তে যে বক্‌শিজ্‌চান্‌ আন্যে সিয়েনি তা লগে মানুচ্চুনোরে দিয়্যে অয়।