যিশাইয় 35:3 - Chakma Bible

³ যিগুনে বল্‌পোজ্যে তারার আঢ্‌তানি দরমর গরঅ; গির্‌গিরেইদ্যে আডুগুন্ ঠিগ্ গরঅ।

যিশাইয় 35:3 Iomraidhean Croise

ইষ্রা 1:6

তারার্ বেক পাড়াল্যেগুনে রুবোর্ পিলে, সনা, অন্য পযাপিরা, য়েমানপাল আর মংগা মংগা জিনিস দিইনে তারারে সাহায্য গুরিলাক্ আর গোজেনর্ ঘরত্যে নিজোর্ আওজে বক্‌‌‌শিজ্অ দিলাক্।

ইয়োব 16:5

মাত্তর্‌ মুই সিয়েন্‌ ন-গুরিদুঙ্‌, বরং মঅ মুয়োনে তমারে উচ্ছোমি দিদো; মঅ মুয়োর্ বুঝেবার কধানিয়ে তমারে সুগ্‌ দিদো।

যাত্রা 17:12

এধোক্ক্যেনগুরি মোশির্‌ আত্তান্‌ গুয়োর্‌ ওই গেলঅ। সেক্কে তারা এক্কো পাত্তর্‌ আনিলাক্, আর মোশি সিবে উগুরে বজিলো। হারোণ আর হূরে দ্বি দাগেত্তুন্‌ তার্‌ আত্তান উজু গুরিনে ধুরি রাগেলাক্‌। সেনে বেলান্‌ ন-ডুবে সং তার্‌ আত্‌ দ্বিয়েন্‌ আগঅ ধোক্ক্যেন রলঅ‌।

দানিয়েল 10:18

সেক্কে মান্‌‌‌‌‌জ্য ধোক্ক্যেন দেগদে সেই স্বর্গদূত্তো আরঅ মরে ধুরিলো আর মরে বল্ দিলো।

সফনিয় 3:16

সেদিন্যে তরে কুয়ো অবঅ, “ও সিয়োনান্, তুই ন-দোরেচ্, তুই আজা ন-আরেজ্।

সখরিয় 8:9

মুই বেগত্তুন্ খেমতাবলা লগেপ্রভু কঙর্, মঅ ঘরান্ বানেবাত্তে খুদো গারেবার্ সময় ভাববাদীগুনে সেই বেক্ কধানি কোইয়োন, আর ইক্কিনে তুমি সেই একই কধা শুনোর্; সেনত্তে তুমি দরমর অ।

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

লূকে লেখ্যে গম্ হবর্ 22:43

সেক্কে স্বর্গত্তুন্ এক্কো দূত এইনে যীশুরে খেমতা দান গুরিলো।

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।

বিচের গুরিয়্যেগুন 7:11

আর শুনি থেচ্‌ তারা কি কন্‌। সেক্কে তুই তাম্বুলান আক্রমণ গুরিবাত্তে বল্‌ পেবে।” সেনত্তেই গিদিয়োনে তা চাগর্‌ ফুরারে সমারে নেযেইনে তাম্বুলোর দুযিত্‌ সৈন্যগুনোর কায়কুরে লামিলাক্‌।

১ শমূয়েল 23:17

যোনাথনে কলঅ, “তুই ন-দোরেচ্‌; মঅ বাপ্পো শৌলর আঢত্‌ তুই ধরা ন-পরিবে। তুয়ই ইস্রায়েল দেজ উগুরে রাজগিরি গুরিবে, আর মর্‌ জাগায়ান্‌ অবঅ তর্‌ পরেন্দি। মর্‌ বাবায়ো সেই কধাগান হবর্‌ পাই।”