যিশাইয় 35:1 - Chakma Bible

^1-2 ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 35:1 Iomraidhean Croise

গীতসংহিতা 48:11

তর্ ন্যায়বিচের্ দেগিনে সিয়োন মুড়োবো হুজি ওক্ আর যিহূদার আদামানিয়ে ফুত্তি গোরোক্।

গীতসংহিতা 96:12

মাদত্ আর তা ভিদিরে যেদক্কানি আঘে বেক্কানিয়ে হুজি ওক্। সালে ঝাড়র বেক গাজ-বাশছুনেয়ো হুজিয়ে গীদ্ গেবাক্;

গীতসংহিতা 97:8

ও লগেপ্রভু, তর্ ন্যায়বিচেরর কধা শুনিনে সিয়োনানে হুজি ওইয়্যে, যিহূদার আদামানিয়ে হুজি ওইয়্যে।

পরমগীত 2:1

মুই যেন শারোণর্ এক্কো গোলাপ, লাঙেলর্ লিলি ফুল।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 29:17

কয়েক্ দিনো ভিদিরে দঅ লেবাননর্ ঝার্ এক্কান বোল্‌বোল্যে ওই উদিবো আর বোল্‌‌‌‌‌‌বোল্যে ভূইয়ান ঝার ধোক্ক্যেন মনে গুরিবা।‌‌‌‌‌

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 42:11

ধূল্যেচর-চাগালা আর শঅরানিয়ে জোরে জোরে নাঙ্ গিনোক্; কেদরীয়গুনোর্ আদামানিয়ে সিয়েনি গোরোক্, শেলার মানুচ্চুনে হুজিয়ে গিদ্ গাদোক্, মুড়োগুনোর্ মাঢাত্তুন্ হুজিয়ে রঅ ছাড়দোক্।

যিশাইয় 43:19

চঅ, মুই এক্কান নুয়ো কাম গুরিবাত্তে যাঙর্। সিয়েন ইক্কিনে আরাম্ভ অবঅ আর সিয়েন তুমি হবর্ পেবা। মুই ধূল্যেচর চাগালা ভিদিরে পথ বানেম আর ধূল্যেচরত্ গাঙ বোজেই দিম।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিশাইয় 7:21

সেদিন্যে যুনি কনজনে এক্কো মাদাম্ গোরু আর দ্বিবে ছাগল জেদা রাগান্ সালে সিগুনে এদক্ দুধ দিবাক্কে যে, তে দোইও হেই পারিবো। যিগুনে দেজত্ থেবাক্ তারা বেক্কুনে দোই আর মধু হেবাক্।

যিহিষ্কেল 36:35

তারা কবাক্, এ দেজ্‌‌চান আঘে ভস্ত ওই পড়ি এলঅ, মাত্তর্ ইক্কিনে সিয়েন এদন বাগান ধোক্ক্যেন ওইয়্যে; তার শঅরানি ভস্ত, মানুচ্ নেইয়্যে আর ভাংগাচুরো ওই পোজ্যে এলঅ, মাত্তর্ ইক্কিনে সিয়েনি দেবাল-ঘিজ্যে আর বজত্তি গুরিবার জাগা ওইয়্যে।