যিশাইয় 34:8 - Chakma Bible

⁸ ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 34:8 Iomraidhean Croise

গীতসংহিতা 94:1

ও লগেপ্রভু, অন্যেয়র্ সাজা দিবার অধিকারী গোজেন, ও অন্যেয়র্ সাজা দিবার অধিকারী গোজেন, তর্‌ পহ্‌রান ফগদাং ওক্।

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 13:9

চঅ, লগেপ্রভুর্ দিন্নো এজের্। সিবে চিৎনপুজ্যে, অমকদ রাগ্ আর জোল্‌জোল্যে অহুজিলোই এজের্; পিত্‌‌থিমীগানরে ভস্তর্ জাগা বানেবাত্তে আর তা ভিদিরে পাপীগুনোরে শেজ্ গুরিবাত্তে এজের্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 47:3

তর্ লাঙ্‌‌তা অনাগান ফগদাং অবঅ আর তর্ লাজানাগান্ ঢাক্যে ন-থেবঅ। মুই হেনা সুজিম, কারঅ কোজোলিগান্ ন-মানিম‌।”

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 63:4

ইক্কিনে উদ্ধোর্ গুরিবার অক্ত এচ্চ্যে; সেনত্তে মুই হেনা সুজিবার যে অক্তবো ঠিগ্ গোজ্যং সিবেয়ো এচ্চ্যে।

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

মীখা 6:1

ও ইস্রায়েল, লগেপ্রভুর কধানি শুন। তে কত্তে, “ও মীখা, তুই থিয়্যেইনে মুড়ো-মুড়ি মুজুঙোত্ তঅ মাম্‌লাগান আজিল্ গর্‌‌‌‌‌‌‌‌; তর্ যিয়েনি কবার্ আঘে সিয়েনি মুড়োগুনে শুনোদোক্।”

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

ফগদাং পেইয়্যে 14:11

যে আগুনানে এ মানুচ্চুনোরে যন্ত্রণা দিবো সেই আগুনানর্ ধূমোগান উমরত্যে উদোনাত্ থেবঅ। যে মানুচ্চো সেই য়েমান্নো আর তা মূত্তিবোরে পূজো গুরিবো আর তা নাঙানর্ চিহ্নোগানরে লবঅ তে দিনোত্ বা রেদোত্ কনদিনঅ জিরেন্ ন-পেবঅ।”

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”