যিশাইয় 34:7 - Chakma Bible

⁷ সিগুনো লগে ঝার গোরু, বলদ গোরু আর দাঙর্ দাঙর্ গোরু কাবা অবঅ। তারা দেজ্‌ছান লো-লোই ভিজি যেবঅ, আর তেলানি ধূল্যেলোই নাঢা যেবঅ।‌

যিশাইয় 34:7 Iomraidhean Croise

গীতসংহিতা 22:21

সে সিংহগুনোর্ মুয়োত্তুন্ তুই মরে উদ্ধোর গর্। তুই সেই ঝাড়্‌‌বো বলদ্ গোরুগুনো শিঙুনোত্তুন্ মরে রোক্ষ্যে গুরিলে।

গীতসংহিতা 68:30

তারার আন্যে রূবোর কট্টানি ঠেঙোই দুলিনে খাগাড়াবন ঝার্‌বো য়েমান ধোক্ক্যেন সেই মিসররে তুই ধমক্ দে; ধমক্ দে গোরু ছঅ আর বলদ দল ধোক্ক্যেন সেই জাদ্‌তুনোরে। যিদুক্কুন জাদে যুদ্ধো গম পান গোজেনে তারার দলুন্ ভাঙি দিয়্যে।

গীতসংহিতা 92:10

ঝাড় গোরুর অজল্ শিং ধোক্ক্যেন্ তুই মর্ মাঢাবো অজলত্ তুল্যচ্; হুজিয়ে মঅ উগুরে নুয়ো তেল ঢালি দিয়্যে ওইয়্যে।

যিশাইয় 63:6

মুই অমকদ বেজার্ ওইনে জাদ্‌‌‍তুনোরে টেঙোই মারিলুং; মর্ রাগে তারারে মাত্তল মান্‌‌‍জ্য ধোক্ক্যেন গুরিলুং আর মাদিত্ তারার লো-নি ঢালি দিলুং।”

যিরমিয় 25:34

ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিহিষ্কেল 32:6

মুড়ো-মুড়ি সং মুই তর্ লোগান্দোই দেজ্‌‌‌‌‌চান ভিজেম্; সেক্কে তঅ লোগান্দোই গঙার পানিগান রাঙা ওই যেবঅ।

যিহিষ্কেল 39:17

ও মান্‌‌‌জ্যর পুয়োবো, মুই প্রভু লগেপ্রভু কঙর্, তুই নানান্ বাবোত্যে পেখ্ আর নানান্ বাবোত্যে ঝার্‌‌‌‌বো য়েমানুনোরে ডাগিনে কঅ, তুমি এগত্তর্ অ আর মুই তমাত্তে ইস্রায়েলর মুড়োমুড়িগুনো উগুরে যে দাঙর্ দালিপূজোর্ বেবস্থা গোজ্যং সিয়েনত্তে চেরোকিত্তেত্তুন্ এগত্তর্ অ। সিয়েনত্ তুমি য়েরা আর লো হেবা।

যিহিষ্কেল 39:18

তুমি খেমতাবলা মানুচ্চুনোর য়েরা হেবা আর পিত্‌‌‌‌‌থিমীর শাজন্‌গুরিয়্যেগুনোর লো হেবা; এ মানুচ্চুনে যেন বাশন দেজর্ পক্তামক্তা পাডা ভেড়া, ভেড়া ছঅ, পাডা আর বলদ্।

গণাণা 23:22

মিসরত্তুন্‌ তে তারারে নিগিলেই আন্যে, তে তারার্‌ পক্ষেন্দি ঝাড়্‌বো গভর্‌ বলঅ ধোক্ক্যেন ।

গণাণা 24:8

গোজেনে মিসর দেজত্তুন্‌ তারারে নিগিলেই আন্যে, তেয়ই তারার্‌ পক্ষেন্দি ঝাড়্‌বো গভর্‌ বল ধোক্ক্যেন। তারার্‌ বিরুদ্ধে যিদুক্কুন জাদে থিয়্যেবাক্ তারা তারারে গিলি ফেলেবাক্‌ তারার আরুন্‌ কট্টা কট্টা গুরিবাক, শেল্‌লোই তারারে আঘাত্‌ গুরিবাক।

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”