যিশাইয় 34:6 - Chakma Bible

⁶ লগেপ্রভুর তলোয়ারানে লো-লোই গাট্যে; সিয়েন তেল্‌‌লোই নাঢা যেইয়্যে। সেই লো-নি ভেড়া ছাগল ছঅ আর ছাগল লো ধোক্ক্যেন আর তেলানি ভেড়া ছাগল বুগো তেল ধোক্ক্যেন্, কিত্তে লগেপ্রভু বস্রাত এক্কো উৎসর্বর অনুষ্ঠান গুরিবো আর ইদোমত্ ভালোক্কুনোরে কাবি ফেলা অবঅ।

যিশাইয় 34:6 Iomraidhean Croise

২ শমূয়েল 1:22

মুরি যেইয়্যে মানুচ্চুনোর্‌ লোগানি আর বীর মানুচ্চুনোর য়েরা ন-পেলে যোনাথনর ধনুগান ফিরি ন-এদঅ; ঈল্‌ ন-ওইনে শৌলর লাম্বা ছুড়িগান ফিরি ন-এদঅ।

১ বংশধর 1:44

বেলার মরাণার পরেন্দি তার্‌ জাগানত্‌ বস্রা শঅরর্‌ সেরহর পুয়ো যোবব রাজা ওইয়্যে।

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 34:5

মঅ তলোয়ারান্ স্বর্গত্ পুরোপুরি গুরি যুক্কোল্; চঅ; বিচেরত্তে সিয়েন ইদোম উগুরে, অত্তাৎ যে মানুচ্চুনোরে মুই ভস্তর্ অভিশাব তলেদি রাগেয়োং তারা উগুরে লামি এজের্।

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 25:34

ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিরমিয় 49:13

মুই মর্ নিজো নাঙে শমক্ হাঙর্, বস্রা ভস্ত ওইনে ঈচ্ গরে পারা অবঅ। মানুচ্চুনে তা অবস্থা দেগিনে আমক্ অবাক্ আর তা নাঙান্দোই অভিশাব্ দিবাক্। তার বেক্ আদামানি আর শঅরানি উমরত্তে ভস্ত ওইনে থেবঅ।”

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিরমিয় 51:40

ভেড়া ছঅগুনো ধোক্ক্যেন্‌গুরি, ভেড়া আর পাদা ধোক্ক্যেন্‌গুরি মুই তারারে জবাই গুরিবার জাগানত্ নেযেম।

যিহিষ্কেল 21:10

কাবি ফেলেবাত্তে সিয়েন ধারা ওইয়্যে, সিয়েন পালিশ্ গরা ওইয়্যে আর সিয়েন কারেন ধোক্ক্যেন ঝক্‌‌‌‌‌‌‌‌ঝক্ গরের্।’ ” ইস্রায়েলীয়গুনে কদন্, “যিহূদার রাজলুদিক্কো নিইনে আমি ফুত্তি গুরিবোং; সেই রাজলুদিক্কো বেক্ লুদিক্কুনোরে ঈচ্ গরের্।”

যিহিষ্কেল 35:15

ইস্রায়েল জাদে অধিকার ইজেবে যে দেজ্‌‌‌‌‌‌‌চান পেইয়্যে সিয়েন মানুচ্ নেইয়্যে দেগিনে তুই যেবাবোত্যে ফুত্তি গোজ্যস্ সেবাবোত্যেগুরি মুই তঅ লগে বেবহার গুরিম। ও সেয়ীর মুড়োবো, তুই আর ইদোমর বাদবাগি বেক জাগায়ানি মানুচ্ নেইয়্যে অবাক্। সেক্কে মানুচ্চুনে হবর্ পেবাক যে, মুয়ই লগেপ্রভু।”

যিহিষ্কেল 35:8

তর্ মুড়ো-মুড়িগুন মুই মোজ্যন্দে মানুচ্চুনোরে দিইনে নাঢি দিম; যুদ্ধোত্ যিগুনে মুরি যেইয়োন তারা তর্ মুড়োই মুড়োই, কলগে কলগে আর তর্ বেক পানি গঙারানিত্ পড়ি থেবাক্।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

সফনিয় 1:7

তুমি প্রভু লগেপ্রভুর মুজুঙোত্ অলর্ অ, কিত্যে লগেপ্রভুর দিনুন্ কায়কুরে লুম্মেগি। লগেপ্রভু এক্কান উৎসর্বর আয়োজন গোজ্যে; তে যিগুনোরে বোলেয়্যে তারারে সিজি গোজ্যে।

দ্বি’লম্বর বিররণ 32:14

তে তারে হাবেল গোরুর দুধোর্ দই ছাগল আর ভেড়ার দুধ, আর হাবেল পক্তা-মক্তা ভেড়া ছাগলর্ য়েরা, ছাগলর য়েরা আর বাশন দেজর পাদা ভেড়া ছাগলর্ য়েরা। তে তারে হাবেল পক্তা-মক্তা গম। ও ইস্রায়েল, তুই গেজে উঠ্‌ আংগুর-রস হেইয়োচ্‌।

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।