যিশাইয় 34:4 - Chakma Bible

⁴ আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যিশাইয় 34:4 Iomraidhean Croise

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 14:12

ও শুকতারা, বেন্যেমাদানর্ পুয়োবো, তুই দঅ স্বর্গত্তুন্ পোজ্যস্। তুই একদিন জাদ্‌তুনোরে ওদেই দুয়োচ্ আর তরে ইক্কিনে পিত্‌‌‌থিমীত ফেলেই দিয়্যে ওইয়্যে।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

যোয়েল 3:15

বেলান্ আর চানান্ আন্ধার্ অবঅ আর তারাগুন পহ্‌‌‌র দেনা বন্ধ গুরি দিবাক্।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

ইব্রীয় 12:27

“আর একবার,” এ রঅ দ্বিবেত্তুন্ বুঝো যাত্তে, যে জিনিচ্চানি লাড়া যায়, অত্তাৎ যিয়েন সৃট্টি গরা ওইয়্যে সিয়েন বাদ্ দিয়্যে অবঅ, যেন যে জিনিচ্চানি লাড়া ন-যায় সিয়েনি থির্ থায়।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।

ফগদাং পেইয়্যে 8:12

ইয়েনর পরেদি চের্-লম্বর স্বর্গদূত্‌তো তা তুরীবো বাজেল। সেক্কে বেলানর্ তিন ভাগর এক ভাগ, চানানর্ তিন ভাগর এক ভাগ আর তারাগুনোর তিন ভাগর এক ভাগ আন্ধার্ ওই গেলঅ। দিনোর তিন ভাগর এক ভাগত্ আর রেদোর্ তিন ভাগর এক ভাগত্ কনঅ পহ্‌র ন-থেলঅ।