যিশাইয় 34:2 - Chakma Bible

² বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 34:2 Iomraidhean Croise

গীতসংহিতা 2:5

তে অমকদ বেজার্ ওইনে তারারে থেঝেরা মারিবো, তা রাগর্ আগুনান্ তারার্ মনত্ দর্‌বুগ্ লাগেব।

যাত্রা 8:14

মানুচ্চুনে সিগুন্‌ আনিনে নানান্‌ জাগাত্‌ এগত্তর্‌ গুরিলাক্‌ আর সেক্কে দেজ ভিদিরে এক বাবোত্যে পজাবাজ নিগিলিলো।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 63:6

মুই অমকদ বেজার্ ওইনে জাদ্‌‌‍তুনোরে টেঙোই মারিলুং; মর্ রাগে তারারে মাত্তল মান্‌‌‍জ্য ধোক্ক্যেন গুরিলুং আর মাদিত্ তারার লো-নি ঢালি দিলুং।”

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যিরমিয় 25:31

পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

যিরমিয় 25:32

বেগত্তুন্ খেমতাবলা লগেপ্রভু কোইয়্যেদে, “চঅ, এক জাদত্তুন্ আর এক জাদত্ দজা ছিদি পোজ্যে; পিত্‌থিমীর শেজ্ ধুজিত্তুন এক্কান দর্‌‌‌‌গরেপারা ঝড় উদের্।”

যিরমিয় 25:33

সেক্কে লগেপ্রভু যিগুনোরে মারে ফেলেব তারা পিত্‌থিমীর এক ধুজিত্তুন অন্য ধুজি সং বেক্ জাগানিত্ পড়ি থেবাক্। তারাত্তে কনজনে আবিলেচ্ ন-গুরিবাক্ বা তারারে কনজনে এগত্তর্ অ ন-গুরিবাক্ বা গোর্‌‌‌‌‌অ ন-দিবাক্, মাত্তর্ তারা অবাক্ মাদিত্ পোজ্যে গবর ধোক্ক্যেন।

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

সখরিয় 14:3

সে পরেদি লগেপ্রভু নিগিলিবো আর যুদ্ধোত্ যেবাবোত্যে গরে সেবাবোত্যেগুরি তে জাদ্‌তুনো বিরুদ্ধে যুদ্ধো গুরিবো।

রোমীয় 1:18

মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

ফগদাং পেইয়্যে 20:9

সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।