যিশাইয় 34:16 - Chakma Bible

¹⁶ তুমি লগেপ্রভুর বোইবোত্ তোগেই চঅ আর পড়। সিয়োত্ লেগা আগেদে-ইগুনোত্তুন্ এক্কোয়ো আজিই ন-যেবঅ, এক্কোর্‌অ সমাজ্যের্ অভাব ন-অবঅ; কিত্তে মঅ মুয়োদি লগেপ্রভু সেই উগুমান্ দিয়্যে, আর তা আত্মাগানে তারারে একলগে এগত্তর্ গুরিবো।

যিশাইয় 34:16 Iomraidhean Croise

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

গীতসংহিতা 33:6

লগেপ্রভুর কধালোই পিথ্‌তিমীগান ওইয়্যে; সিয়েন ভিদিরে বেক্কানি ওইয়্যেদে তা মুয়ো নিজেস‌্‌চোই। ‌

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

গম্ উপদেজ্ 23:12

তুই শিক্ষ্যেন্দি মনান্ দে, আর জ্ঞানর কধানি শুন্।

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 21:17

কেদরর ধনুবলা যোদ্ধোগুনো ভিদিরে কয়েক্কো মান্‌জ্যে বাঁজি থেবাক্। ইস্রায়েলর গোজেন লগেপ্রভু এ কধাগান কোইয়্যে।”

যিশাইয় 30:8

তুই ইক্কিনে এ কধাগান্ এক্কো আড়ুগোত্ আর এক্কো বোইয়োত্ লিগি রাগা, যেনে এজেত্তে দিনুনোত্ সিবে ইস্রায়েলীয়গুনোত্তে এক্কো জিংকানিবরর্ সাক্ষ্য ওই থায়।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিশাইয় 58:14

সালে মরে নিইনে তুমি হুজিয়ে থেবা আর মুই পিত্‌থিমীর বেক্ অজল্ জাগানির অধিকারান্ তমারে দিম। ইয়েনি বাদেয়ো মুই তমা বাব্‌পো যাকোবর অধিকারান্ তমারে ভোগ গুরিবাত্তে দিম্। মুই লগেপ্রভু এ কধাগান কঙর্।‍‌‌‍‌‌”

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

যোহন 10:35

গোজেন কধা যিগুনো ইধু এচ্চ্যে সিগুনোরে দঅ তে গোজেন ধোক্ক্যেন্ কোইয়্যে। পবিত্র বোইবোর্ কধানি কি বাদ্ দিয়্যে যায়? ন-পারে।

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।