যিশাইয় 33:5 - Chakma Bible

⁵ লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 33:5 Iomraidhean Croise

গীতসংহিতা 118:16

লগেপ্রভুর খেমতাবলা আঢ্‌তানিয়ে জিদেই দিয়্যে; লগেপ্রভুর খেমতাবলা আঢ্‌তানিয়ে দোল্ কাম গোজ্যে।

গীতসংহিতা 123:1

তুই স্বর্গর সিংহাসনত্ আগচ্; মুই তন্দি রিনি চাং।

যাত্রা 15:1

ইয়েন পরেদি মোশি আর ইস্রায়েলীয়গুনে লগেপ্রভুর নাঙে এই গীদ্‌‌তো গেলাক্: মুই লগেপ্রভুর নাঙে গীদ্ গেইম্‌, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীর্ দলুনোরে তেয়ই বড়গাঙর্ পানিত্‌ ফেলেই দিলো।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 28:6

তে বিচেরগর্ মনত্ ন্যায়বিচেরর্ মনভাব্ দিবো। যিগুনে গেদো কায়-কুরেত্তুন যুদ্ধো সোরেই দুয়োন্ তারারে তে বল্ দিবো।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 32:1

চঅ, এক্কো রাজা গমেডালে রাজাগিরি গুরিবো আর শাজন্‌গুরিয়্যেগুনে ন্যায়বিচের্ গুরিবাক্।

যিশাইয় 33:10

লগেপ্রভু কোইয়্যেদে, “এবেরা মুই উদিম্, এবার্ মুই সর্মানিত্ ওম্, এবেরা মর্ বাঈনীগান ফগদাং অবঅ।

যিশাইয় 33:4

পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 31:23

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই যেক্কে বন্দীদজাত্তুন্ মানুচ্চুনোরে ফিরেই আনিম সেক্কে যিহূদা দেজ্‌চান আর তা শঅরর্ মানুচ্চুনে আরঅ কবাক্, ‘ও ধার্মিক্কুনো থেবার্ ঘরান, ও সুদ্ধো-সাংগ মুড়োবো, লগেপ্রভু তরে বর্ দুয়োক‍্।’ ‍‍‍‍‍

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

রোমীয় 3:26

তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।