যিশাইয় 33:4 - Chakma Bible

⁴ পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিশাইয় 33:4 Iomraidhean Croise

২ বংশধর 14:13

আসা আর তার্‌ সৈন্যদলুনে গরার সং তারারে লোড়েইনে নেযেলাক্‌। এদক্‌ বেশ্‌ কূশীয় মারা পড়িলাক্‌, তারা আর দরমর ওইনে উদি ন-পারিলাক্‌। তারা লগেপ্রভু আর তার্‌ সৈন্যদলর মুজুঙোত্‌ শেজ্‌ ওই গেলাক্‌। যিহূদার মানুচ্চুনে ভালোক্কানি লুদেয়্যে পযাপিরা আনিলাক্‌।

২ বংশধর 20:25

সেক্কে যিহোশাফটে আর তা মানুচ্চুনে লুদেয়্যে পযাপিরানি আনিবাত্তে যেইনে সে মরা কিয়্যেগানি লগে এদক্‌ বেশ্‌ পযাপিরা, কাবড়-চুগোড় আর ধন-রত্ন দেগিলাক্‌, তারা সিয়েনি বুয়োই নেযেই ন-পারিলাক্‌। লুদেয়্যে পযাপিরানি বেশ্‌ অনায় সিয়েনি নেযাদে তারার্‌ তিন দিন লাগিলো।

যিশাইয় 33:23

ইক্কিনে তমা পাল হেবাগুন্ শস্ ওই যেইয়োন্; সিয়েনত্ মাত্তুলুন দরমর গুরি আক্‌‌সোয়ে নেই, পালান্অ টাঙা ন-যায়। পরেদি লুদেয়্যে বোউত্ পযাপিরা ভাগ্ গরা অবঅ; এমন্ কি, লেং-আদুড়ুনেয়ো লুদেয়্যে পযাপিরা নেযেবাক্।

যিশাইয় 33:3

তঅ মুয়ো রবোলোই মানুচ্চুনে ধেই যান্; তুই উদিলে জাদ্‌তুনে ছিদি পড়ন্।‌

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিহিষ্কেল 25:7

সেনত্তে তমা বিরুদ্ধে মুই মঅ আঢ্‌‌‌‌তানি বাড়েম্ আর লুদেয়্যে মাল্ ইজেবে অন্য জাদ আঢত্ তমারে তুলি দিম। অন্য জাদ আর দেজ ভিদিরেত্তুন্ মুই তমারে সুলিনে ভস্ত গুরি দিম। সেক্কে তুমি হবর্ পেবা, মুয়ই লগেপ্রভু।’”

যোয়েল 1:4

কামেড়্যেয়ে পুগ্-যুগে যিয়েনি থোই যেইয়োন সিয়েনি ঝাক্ বান্যে পুগ্-যুগ্‌কুনে হেইয়োন; ঝাক্ বান্যে পুগ্-যুগে যিয়েনি থোই যেইয়োন সিয়েনি ভস্তগুরিয়্যে পুগ্-যুগে হেইয়োন্; ভস্তগুরিয়্যে পুগ্-যুগে যিয়েনি থোই যেইয়োন্ সিয়েনি ফাল্যে ফাল্যে যাইদ্যে পুগ্-যুগে হেইয়োন্।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

যোয়েল 2:9

তারা শঅর উগুরে ঝাবেই পড়ন্, দেবাল উগুরে দাবা দুয়োন্; তারা ঘরত্ উদোন্, তারা চুরো ধোক্ক্যেন জানালাদি চমন্।