যিশাইয় 33:16 - Chakma Bible

¹⁶ সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

যিশাইয় 33:16 Iomraidhean Croise

১ রাজাবলী 19:6

তে চেইনে দেগিলোদে তা মাদাবো কায় গরম পাত্তর্‌লোই সেক্ক্যে এক্কান্‌ রুটি আর এক পিলে পানি আঘে। সিয়েন্‌ হেইনে তে আরঅ ঘুমোত্‌ পড়িলো।

গীতসংহিতা 107:41

মাত্তর্ তে নাদা মানুচ্চুনোরে গমেডালে রাগায়, ভেড়া পাল ধোক্ক্যেন্ তারার পুয়ো-ছাগুনোরে বাড়ায়।

গীতসংহিতা 111:5

তা ভক্তগুনোরে তে হানা যুগেই দে; তার থিদেবর্ গোজ্যে সুদোমান তে কনদিন্‌অ ভুলি ন-যেবঅ।

গীতসংহিতা 15:1

ও লগেপ্রভু, তর্ থেবার্ তাম্বুলানত্ কন্না থিয়্যেবার্ যগাজ্যে? তর্ পবিত্র মুড়োবোত্ কন্না বজত্তি গুরিবার্ যগাজ্যে?

গীতসংহিতা 18:33

তে মরে উরিঙো ধোক্ক্যেন্ গুরি ফাল্যে ফাল্যে যেবার বলান্ দিয়্যে; অজল্ অজল্ জাগাত্ তে মরে থিয়্যেই রাগেয়্যে।

গীতসংহিতা 33:18

মাত্তর্ লগেপ্রভু উগুরে যিগুনোর ভক্তিবলা দর্ আঘে, যিগুনে তার্ অমকদ কোচ্‌পানাগান উগুরে আজা রাগান্, তারার্ উগুরে তার খিয়েল্ আঘে;

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গীতসংহিতা 62:7

মর্ উদ্ধোর আর মান-সর্মানান গোজেন উগুরে নির্ভর গরের; গোজেনে মর্ বল্, মর্ অজল মুড়ো, তেয়ই মর্ আশ্রয়র জাগা।

গীতসংহিতা 90:1

ও প্রভু, বংশর পর বংশ ধুরি তুয়ই আমার থেবার জাগা।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

গম্ উপদেজ্ 1:33

মাত্তর্ যিগুনে মঅ কধাগান শুনোন্ তারা গমেডালে বজত্তি গুরিবাক্; তারা সুগে-শান্দিয়্যে থেবাক্, অমংগলরে ন-দোরেবাক্।”

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 30:20

যুনিয়ো প্রভু তমারে কয়েক্কান রুটি আর এক্কেনা পানি দিয়্যে, তো তমা মাষ্টর্ প্রভু আর্ পৌল্যেই ন-থেবঅ; তুমি নিজো চোগেদি তারে দেগিবা।

যিশাইয় 32:18

মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 58:14

সালে মরে নিইনে তুমি হুজিয়ে থেবা আর মুই পিত্‌থিমীর বেক্ অজল্ জাগানির অধিকারান্ তমারে দিম। ইয়েনি বাদেয়ো মুই তমা বাব্‌পো যাকোবর অধিকারান্ তমারে ভোগ গুরিবাত্তে দিম্। মুই লগেপ্রভু এ কধাগান কঙর্।‍‌‌‍‌‌”

যিরমিয় 37:21

সেক্কে রাজা সিদিকিয় যিরমিয়রে চুগিদারুনো উদোনত্ থবাত্তে উগুম দিলো আর শঅরর্ বেক রুটিগানি থুম্ ন-অনা সং পত্তিদিন রুটিবলাগুনোরে পধত্তুন্ তারে এক্কান গুরি রুটি দিবাত্তে উগুম দিলো। সেনত্তে যিরমিয় চুগিদারুনো উদোনত্ রলঅ।

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।

মথি লেখ্যে গম্ হবর্ 6:11

যে হানাগান্ আমার্ দরকার সিয়েন্ এচ্চ্যে আমারে দে।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”