যিশাইয় 32:18 - Chakma Bible

¹⁸ মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 32:18 Iomraidhean Croise

গীতসংহিতা 107:7

তে উজু পধেন্দি তারারে নেযেল যেনে তারা কনঅ শঅরত্ যেইনে বজত্তি গুরি পারন্।

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

গম্ উপদেজ্ 24:15

ও পাজি মানুচ্, গোজেন ভক্ত মান্‌‍জ্যর ঘরান বিরুদ্ধে তুই উদ্ পাদি ন-থেচ্, তার থেবার জাগানত্ হানা ন-দিচ্;

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 14:3

ও ইস্রায়েল, লগেপ্রভু যেদিন্যে তরে সুলোনি, হাংগামা আর চিৎনপুজ্যে চাগর্ কাদানাত্তুন্ রেহাই দিবো সেদিন্যে তুই বাবিলো রাজার্ বিরুদ্ধে এবাবোত্যে গুরি ঠাট্টা গুরিনে কবে, একবুচ্চ্যে নেতাবো কিবাবোত্যেগুরি শেজ্ ওইয়্যে! তার দর্‌গরেপারা অত্যেচার আর্ নেই।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 26:12

ও লগেপ্রভু, আমাত্তে তুই সুগ্-শান্দি থিদেবর্ গুরিবে; কিত্তে আমি যিয়েনি গুরি পাজ্যেই সিয়েনি বেক্কানি তুই আমাত্তে গোজ্যস্।

যিশাইয় 26:3

যিবের্ মনান্ তঅ উগুরে থির্ আঘে তারে তুই পুরো সুগে-শান্দিয়্যে রাগেবে, কিত্তে তে তঅ উগুরে বিশ্বেজ্ গরে।

যিশাইয় 28:12

তে তারারে কোইয়্যেদে, “ইয়েনই সেই জিরেবার্ জাগা, বল্‌‌পোজ্যে মানুচ্চুনে ইয়োত্ জিরেদোক্। চঅ, ইয়েন সেই আরামর্ জাগা।” মাত্তর্ তারা সিয়েন ন-শুনিলাক্।

যিশাইয় 30:15

প্রভু লগেপ্রভু, ইস্রায়েলর্ সেই পবিত্র মানুচ্চো এ কধাগান কোইয়্যে, “পাপত্তুন্ ফিরিনে শান্ত অলে তুমি উদ্ধোর্ পেবা, আর গমেডালে বিশ্বেজ্ গুরিলে বল্ পেবা।” মাত্তর্ তুমি সিয়েনত্ রাজি ন-অলা।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 65:21

তারা ঘর্ বানেইনে সিদু বজত্তি গুরিবাক্ আর আংগুর খেত্ গুরিনে সে ফলুন হেবাক্।

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিহিষ্কেল 34:28

তারা আর জাদ্‌‌‌‌তুনোর্ লুদেয়্যে জিনিসপাদি ন-অবাক্ বা ঝার য়েমানুনেয়ো তারারে ন-হেবাক্। তারা গমেডালে বজত্তি গুরিবাক্ আর কনজনে তারারে দর্‌‌‌‌বুক ন-লাগেবাক্।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

সখরিয় 3:10

সেদিন্যে তুমি পত্তিজনে তমার্ আংগুর লুদি আর ডোমোর্ গাজ তলাত্ বুজিবাত্তে তমা পাড়াল্যেগুনোরে ভাত্ত্যেবা। মুই বেগত্তুন খেমতাবলা লগেপ্রভু এ কধাগান কঙর্।’ ”

ইব্রীয় 4:9

সালে দেগা যায়, গোজেন মানুচ্চুনোত্যে জিরেবার জু আঘে,

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।