যিশাইয় 32:14 - Chakma Bible

^14-15 যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 32:14 Iomraidhean Croise

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

২ বংশধর 33:14

পরেন্দি তে দায়ূদ-শঅর বারেন্দি দেবালান্‌ কিজিঙো ভিদিরে গীহোন পয়নালাত্তুন্‌ ওফল মুড়োবো ঘিরিনে পোজিমেন্দি মাছ-গেট্টোত্‌ সুমিবার্‌ পথ্‌তান্‌ সং আরঅ অজল্‌ গুরি বানেইনে দরমর গুরিলো। যিহূদার দেবাল-ঘিজ্যে বেক্‌ আদামানি আর শঅরানিত্‌ তে সেনাপতিগুনোরে নেযেল।

গীতসংহিতা 104:11

সিয়েনে য়েমানুনোরে পানি যোগেই দে; সেক্কে ঝাড়্‌বো গাদাগুনোর তিরেস্ মরে।

যিশাইয় 22:2

ও যাগুলুগে ভরা শঅরান্, ও কোজ্যে বাজেয়্যে আর রঅ ছাজ্যে শঅরান্, তঅ মরা মানুচ্চুনে দঅ তলোয়ার আঘাতে ন-মরন্ বা যুদ্বোত্অ ন-মরন্।

যিশাইয় 24:10

শঅরান ভস্ত ওই পড়ি থেবঅ। বেক্ ঘরানি বন্ধ ওই যেবঅ; ভিদিরে যার ন-যেবঅ।

যিশাইয় 24:12

শঅরানি ভস্ত ওইয়্যে কুরো ধোক্ক্যেন পড়ি থেবঅ আর সে গেট্‌‌তো কট্টা কট্টা ওইনে ভাঙি যেবঅ।

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিশাইয় 7:23

সেদিন্যে সে জাগানত্ বার কেজি রূবো দামর্ এক আজারান্ আংগুর লুদি এলঅ সিয়েনত্ থেবদে বানা কাদাঝুপ্ আর কাদাগাজ্।‍‍‍

যিরমিয় 14:6

ঝার্‌বো গাধাগুনে গাজ্-বাজ্ নেইয়্যে মুড়োমুড়ি উগুরে থিয়্যেইনে শিয়েল ধোক্ক্যেন ফবান্; ঘাসর অভাবে তারার চোগ্‌‌‌‌কুনোর তেজ্ কুমি যায়।”

যিরমিয় 33:4

বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিরমিয় 52:27

রাজা হমাৎ দেজর্ রিব্‌লাত ইগুন বেক্কুনোরে মারে ফেলেল। এবাবোত্যেগুরি যিহূদার মানুচ্চুনোরে বন্দী গুরিনে নিজোর্ দেজত্তুন্ দূরোত্ নেযা অলঅ।

যিরমিয় 6:5

সেনত্তে উদো, আঢ, আমি রেদোত্ আক্রমণ গুরিই আর তার ঘরানি ভস্ত গুরি দিই।’ ”

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।

লূকে লেখ্যে গম্ হবর্ 21:20

তুমি যেক্কে দেগিবা যিরূশালেমানরে সৈন্যগুনে ঘিরি ফেল্ল্যন্ সেক্কে বুঝিবা, যিরূশালেমর্ ভস্ত অবার্ সময় এচ্চ্যে।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।