যিশাইয় 32:1 - Chakma Bible

¹ চঅ, এক্কো রাজা গমেডালে রাজাগিরি গুরিবো আর শাজন্‌গুরিয়্যেগুনে ন্যায়বিচের্ গুরিবাক্।

যিশাইয় 32:1 Iomraidhean Croise

২ শমূয়েল 23:3

ইস্রায়েলর গোজেনে কোইয়্যেদে, ইস্রায়েলর আশ্রয়-মুড়ো মরে কোইয়্যেদে, ‘যে মানুচ্চো গমেডালে মানুচ্চুনোরে শাজন্ গরে আর গোজেনরে দরায়,

গীতসংহিতা 45:1

মর্ মনান্ দোল্ চিন্তেধারালোই ভুরি উঠ্যে; রাজার নাঙে মর্ কবিতে সুর্ নিগিলি এজের্; মর্ জিলানে কাবিল লিগিয়্যের্ লেখক ধোক্ক্যেন্ ওই উঠ্যে।

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 16:5

অমকদ কোচ্‌পানালোই দায়ূদোর রাজঘরত্ এক্কান সিংহাসন থিদেবর্ গরা অবঅ; এক্কো বিশ্বেজি মানুচ্ তা উগুরে বুজিবো। তে গমেডালে বিচের গুরিবো আর যাদিমাদি ন্যায় জিনিস্‌ছান থিদেবর্ গুরিবো।‌‌‌

যিশাইয় 28:6

তে বিচেরগর্ মনত্ ন্যায়বিচেরর্ মনভাব্ দিবো। যিগুনে গেদো কায়-কুরেত্তুন যুদ্ধো সোরেই দুয়োন্ তারারে তে বল্ দিবো।

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 4:6

ইয়েন দিনো রোদ্‌তানত্তুন্ ছাবা পেবাত্তে এক্কান তাম্বুল্ আর ঝর্ বোইয়্যেরত্তুন্ রোক্ক্যে পেবাত্তে এক্কান আশ্রয়র্ জাগা অবঅ।‍‍‍‍‍‍

যিরমিয় 33:14

লগেপ্রভু কোইয়্যেদে, “ইস্রায়েল আর যিহূদার মানুচ্চুনোরে মুই যে ভালেদির্ এগেম্ গোজ্যং সময় এজের্ যেক্কে মুই সিয়েনি পূরোণ গুরিম।

যিরমিয় 33:15

সে দিনুনোত্ আর সে সময়োত্ মুই দায়ূদোর বংশত্তুন্ এক্কো ভালেদির্ চারা উদিবাত্তে দিম্; যিবে ন্যায় আর গম্ তে দেজ ভিদিরে সিয়েনই গুরিবো।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।