যিশাইয় 31:3 - Chakma Bible

³ মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 31:3 Iomraidhean Croise

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

গীতসংহিতা 118:8

মান্‌জ্য উগুরে বিশ্বেজ্ গরানাত্তুন্ লগেপ্রভু ইদু আশ্রয় নেযানা উজিত্।

গীতসংহিতা 33:17

রোক্ষ্যে পেবাত্তে ঘোড়া উগুরে বিশ্বেজ্ গরানা মিজে আজা; অমকদ বল্ থেলেয়ো ঘোড়াবো রোক্ষ্যে গুরি ন-পারে।

গীতসংহিতা 9:20

ও লগেপ্রভু, তারার্ মনত্ দর্‌বুগ্ লাগেই দে, অন্য জাদ্‌‌তুনে হবর্ পাদোক্, তারা বানা মানুচ্।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 20:4

ঠিগ সেধোক্ক্যেন্‌গুরি আসিরিয়ার রাজা মিসররে লাজত্ ফেলেবাত্তে মিসরীয় আর কূশীয় বন্দীগুনোর পুয়ো-বুড়ো বেক্কুনোরে লাংটা অবস্থায়, সুদো টেঙোই আর পিজেদি-খুলো অবস্থায় নেযেব।

যিশাইয় 20:6

সেদিন্যে সাগর পার আদাম্মেগুনে কবাক্, ‘চঅ, যিগুনো উগুরে আমি বিশ্বেজ্ গোজ্যেই আর বল্ পেবাত্তে আর আসিরিয়ার রাজা আঢত্তুন্ রোক্ক্যে পেবাত্তে যিগুনো ইদু যেইয়্যেই তারার অবস্থা কি ওইয়্যে। সালে আমি কেধোক্ক্যেন গুরি বাঁজিবোং?’ ”

যিশাইয় 30:16

তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিশাইয় 30:5

তো তারারে পত্তি জনরে লাজত্ ফেলা অবঅ, কিত্তে সেই জাদ্‌তো তারার্ কনঅ এজালত্ ন-এবঅ। তারা সাহায্য বা সুবিধে কিচ্ছু দি ন-পারিবাক্; দিবাক্ বানা লাজ্ আর অসর্মান‍্।”

যিশাইয় 30:7

মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 36:6

তুই দঅ বিশ্বেজ্ গরর্ সেই ভাঙি যেইয়্যে নল, অত্তাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আঢ্‌তান কানা গুরি দিবো। মিসরর্ রাজা ফরৌণ উগুরে যিগুনে বিশ্বেজ্ গরন তারা উগুরে তে সিয়েনই গরে। ‍

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিরমিয় 15:6

মুই লগেপ্রভু কঙর্, তুই মরে ছাড়ি যেইয়োচ্, তুই উগুদো পধেদি যেইয়োচ্। সেনত্তে মুই তইন্দি আত্ বাবেইনে তরে ভস্ত গুরিম; মুই আর মেয়্যে গুরি ন-পারং।

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

আমোষ 2:15

ধনুবলাগুনে উজুগুরিনে থিয়্যেই ন-পারিবাক্, যাদিমাদি দাবা যেইয়্যে মানুচ্চুনে ধেই ন-পারিবাক্; এমন কি, ঘোড়া চালেয়্যেবোয়ো নিজো পরাণান রোক্ষ্যে গুরি ন-পারিবো।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”