যিশাইয় 31:1 - Chakma Bible

¹ অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 31:1 Iomraidhean Croise

পত্থম 47:17

সেক্কে তারা বেক্‌ গোরু-ভেড়াগুন্‌ যোষেফ ইধু আনা ধোজ্যন। ছাগল, ভেড়া, গোরু, ঘোড়া আর গাধার বদলে তে তারারে হানা দিয়্যে ধুরিলো। বেক্‌ য়েমানুন্‌ এগত্তর্‌ গুরিনে তে গোদা বজর্‌বো তারারে হাবেল।

২ বংশধর 16:7

সে সময়োত্‌ দর্শক হনানি এইনে যিহূদার রাজা আসারে কলঅ, “তঅ গোজেন লগেপ্রভু উগুরে বিশ্বেজ্‌ ন-গুরিনে তুই অরামর রাজা উগুরে বিশ্বেজ্‌ গোজ্যজ্‌ বিলিনে অরামর রাজার সৈন্যদলুন্‌ তর্‌ আঢ্‌ছাড়া ওই গেলাক্‌।

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

ইয়োব 39:11

তার্ অমকদ বলানত্তে কি তা উগুরে তুই বিশ্বেজ্ গুরিবে? তর্ গুয়োর্ কামানি কি তুই তারে গুরিবাত্তে দিবে?

গীতসংহিতা 20:7

কয়েকজনে তারার্ রথ্‌তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।

যিশাইয় 10:17

ইস্রায়েল পহ্‌রান অবঅ আগুনো ধোক্ক্যেন্; তারার্ পবিত্র মানুচ্চো অবঅ এক্কান্ জিলো ধোক্ক্যেন্। সেই আগুনানে একদিনে তার বেক্ কাদা ঝুব্‌‌‌‌‌পুন আর কাদাগাজ্‌‌‌‌‌চুন পুড়ি ফেলেব।‌

যিশাইয় 2:7

তারা দেজ্‌ছান সোনা আর রূবোলোই ভরা, তারার ধন-সম্পদর শেজ্ নেই। তারা দেজ্‌ছান ঘোড়ালোই সয়সাগর আর তারার্ রথ্‌অ ভালোক্কানি।

যিশাইয় 20:5

যিগুনে কূশ দেজ উগুরে বিশ্বেজ্ গোজ্যন আর মিসররে নিইনে বড়াই গোজ্যন্ তারা দোরেবাক্ আর লাজেবাক্।

যিশাইয় 22:11

পুরোণ পোরো পানিগান রাগেবাত্তে তুমি দি দেবাল সংমোধ্যে এক্কান জাগা বানেয়ো। মাত্তর্ যিবে এ অবস্থাগান ঘোদেয়্যে তুমি তান্দি ন-চেলা, বা ভালোক্ দিন আগে যিবে এ বেক্কানি পরিকল্পনা গোজ্যে তা উগুরে তমার্ ভোক্তি ন-এলঅ।

যিশাইয় 30:16

তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিশাইয় 36:6

তুই দঅ বিশ্বেজ্ গরর্ সেই ভাঙি যেইয়্যে নল, অত্তাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আঢ্‌তান কানা গুরি দিবো। মিসরর্ রাজা ফরৌণ উগুরে যিগুনে বিশ্বেজ্ গরন তারা উগুরে তে সিয়েনই গরে। ‍

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিশাইয় 43:15

মুয়ই লগেপ্রভু, তমার্ সেই সুদ্ধো-সাংগ মানুচ্চো; মুয়ই ইস্রায়েলর সৃট্টিগুরিয়্যেবো আর তমা রাজাবো।”

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিশাইয় 57:9

তুই জলপাইয়র তেল্ মাজিনে রাজা ইদু যেইয়োচ্ আর অমকদ তুম্বাজ্ জিনিস্ বেবহার গোজ্যস্। তঅ দূত্‌তুনোরে তুই দূর্ দেজত্ পাদেয়োচ্, এমন্ কি, মরণ জাগা সং পাদেয়োচ্।‌‌‌

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিশাইয় 9:12

পূগেত্তুন্ ধুরি অরামীয়গুনে আর পোজিমেত্তুন্ ধুরি পলেষ্টীয়গুনে মুয়োনি আ গুরিনে ইস্রায়েলরে গিলি ফেলেব। ইয়েনি অলেয়ো তা রাগ্‌কান ন-থামেব। এজঅ সং তা আঢ্‌‌‌‌তান তুল্যে আঘে।‌

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 42:14

আর যুনি তুমি কঅ, আমি যেইনে মিসরত্ বজত্তি গুরিবোং; সিদু আমি যুদ্ধোও ন-দেগিবোং, শিঙের রয়ো ন-শুনিবোং, হানার অভাবে পেদঅ ন-পুরিবো,

যিহিষ্কেল 17:15

মাত্তর্ সেই শাজন্‌গুরিয়্যেবো ঘোড়া আর এক্কো দাঙর্ সৈন্যদল পেবাত্তে মিসরত্ দূত পাধেইনে বাবিল রাজার বিরুদ্ধে উল্লোমী গুরিলো। তে কি সফল অবঅ? যে এই কামানি গরে তে কি রেহাই পেবঅ? শমক্ ভাঙিলে কি তে রোক্ষ্যে পেবঅ?

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”

দানিয়েল 9:13

মোশির সুদোমত্ যেবাবোত্যে লেগা আঘে সেবাবোত্যেগুরি এই বেক্ দযানি আমা উগুরে এইচ্চ্যে, তো আমি আমা পাপত্তুন্ ফিরিনে আমা গোজেন লগেপ্রভুর দোয়্যে পেবার চেট্ট্যা ন-গরন্; তর্ সত্য উগুরে আমি মনযোগী ন-ওই।

হোশেয় 11:5

ইস্রায়েলীয়গুন মন ফিরেদে রাজী ন-অন্ বিলি তারা মিসরত্ ফিরি ন-যেবাক্, বরং আসিরিয়া তারা উগুরে রাজাগিরি গুরিবো।

হোশেয় 11:9

মর্ দর্‌‌‌গরেপারা রাগ্‌‌‌কান মুই ফগদাং ন-গুরিম, ইফ্রয়িমরে আর ভস্ত ন-গুরিম, কিত্যে মুই গোজেন, মানুচ্ নয়; মুই তঅ ভিদিরে থেইয়্যে সেই পবিত্র মানুচ্চো। মুই রাগ্ ন-আনিম।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 7:7

তারা বেক্কুনে তুন্দুরু ধোক্ক্যেন গরম ওইয়োন আর তারার্ শাজন্‌গুরিয়্যেগুনোরে তারা আগুনো ধোক্ক্যেন লেবেয়োন। তারার্ রাজাগুনে বেক্কুনে মোজ্যন্; তারা কনজনে মরে ন-ডাগন্।

হবক্‌‌‌‌কূক 1:12

ও লগেপ্রভু, মর্ গোজেন, মর্ সুদ্ধো-সাংগ মানুচ্চো, তুই কি উমরত্তে নয়? আমি এক্কুবারে ভস্ত ন-অবং। ও লগেপ্রভু, আমারে সাজা দিবাত্তে তুই বাবিলীয়গুনোরে নেযেয়োচ্; ও আশ্রয়-মুড়োবো, তুই আমারে সাজা দিবাত্তে তারারে নেযেয়োচ্।

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।