যিশাইয় 30:7 - Chakma Bible

⁷ মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 30:7 Iomraidhean Croise

ইয়োব 9:13

গোজেনে তা রাগ্‌কান ন-দোঙাই; এন্‌ কি, পানি-দেবেদা রহবর বল্‌দিয়্যেগুনেয়ো তা টেঙ ইদু দরে মাঢা নিগিরোন্‌।

গীতসংহিতা 87:4

লগেপ্রভু কোইয়্যেদে, “যিগুনে মরে ঘেচ্চেক্‌গুরি হবর্ পান তারার পৌইদ্যেনে কবার অক্তত্ মুই রহব আর বাবিলোর কধা কোম্, আর উইয়োবু পলেষ্টীয়গুন, সোর আর কূশ, তারার কধায়ো কোম্, ‘ইগুনে পত্তিজনে যেন সিয়োনত্ জর্মেয়োন।’ ”

গীতসংহিতা 89:10

তুই রহবরে কট্টা কট্টা গুরি মারে ফেলেয়্যে মান্‌জ্য ধোক্ক্যেন গোজ্যস্; তর্ দরমর আঢ্‌তোই তর্ শত্রুগুনোরে তুই ছিদি দুয়োচ্।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

গম্ উপদেজ্ 25:19

দজাত্ পড়িনে অবিশ্বেজি মান্‌‍জ্য উগুরে নির্ভর গরানা বজং দাত্ আর আদুড়ো টেঙ ধোক্ক্যেন্।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিশাইয় 20:6

সেদিন্যে সাগর পার আদাম্মেগুনে কবাক্, ‘চঅ, যিগুনো উগুরে আমি বিশ্বেজ্ গোজ্যেই আর বল্ পেবাত্তে আর আসিরিয়ার রাজা আঢত্তুন্ রোক্ক্যে পেবাত্তে যিগুনো ইদু যেইয়্যেই তারার অবস্থা কি ওইয়্যে। সালে আমি কেধোক্ক্যেন গুরি বাঁজিবোং?’ ”

যিশাইয় 28:12

তে তারারে কোইয়্যেদে, “ইয়েনই সেই জিরেবার্ জাগা, বল্‌‌পোজ্যে মানুচ্চুনে ইয়োত্ জিরেদোক্। চঅ, ইয়েন সেই আরামর্ জাগা।” মাত্তর্ তারা সিয়েন ন-শুনিলাক্।

যিশাইয় 30:15

প্রভু লগেপ্রভু, ইস্রায়েলর্ সেই পবিত্র মানুচ্চো এ কধাগান কোইয়্যে, “পাপত্তুন্ ফিরিনে শান্ত অলে তুমি উদ্ধোর্ পেবা, আর গমেডালে বিশ্বেজ্ গুরিলে বল্ পেবা।” মাত্তর্ তুমি সিয়েনত্ রাজি ন-অলা।

যিশাইয় 30:5

তো তারারে পত্তি জনরে লাজত্ ফেলা অবঅ, কিত্তে সেই জাদ্‌তো তারার্ কনঅ এজালত্ ন-এবঅ। তারা সাহায্য বা সুবিধে কিচ্ছু দি ন-পারিবাক্; দিবাক্ বানা লাজ্ আর অসর্মান‍্।”

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।