যিশাইয় 30:4 - Chakma Bible

⁴ যুনিয়ো সোয়নত্ তারার দাঙর্ পোজিশন মানুচ্ আগন্ আর তারা দূত্‌তুনে হানেষত্ লুম্মোন,‍

যিশাইয় 30:4 Iomraidhean Croise

২ রাজাবলী 17:4

মাত্তর্‌ আসিরিয়ার রাজা হবর্‌ পেলদে, হোশেয় এক্কো বেঈমান, কিত্তে তে মিসরর সো রাজা ইদু দূত পাদেয়্যে আর আসিরিয়ার রাজারে বজরকে বজর্‌ যে হাজানাগুন্‌ দি এজের্‌ সিগুন্‌ আর্‌ ন-দের্‌। সেনত্তে শল্‌মনেষর হোশেষরে ধুরিনে জেলোত্‌ দিলো।

গীতসংহিতা 78:12

ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

যিশাইয় 19:11

সোয়নর দাঙর্ পোজিশনর্ কামগুরিয়্যেগুনে এক্কুবারে ভুল্ বেদমা; ফরৌনর জ্ঞানী সল্লাদিয়্যেগুনে অত্তনেইয়্যে উপদেজ্ দুয়োন্। তুমি ফরৌণরে কেধোক্ক্যেন গুরি কোই পার, “মুই জ্ঞানী মানুচ্চুনো ভিদিরে একজন আর খুব পুরোনা দিনো রাজাগুনোর বংশধর্”?

যিশাইয় 57:9

তুই জলপাইয়র তেল্ মাজিনে রাজা ইদু যেইয়োচ্ আর অমকদ তুম্বাজ্ জিনিস্ বেবহার গোজ্যস্। তঅ দূত্‌তুনোরে তুই দূর্ দেজত্ পাদেয়োচ্, এমন্ কি, মরণ জাগা সং পাদেয়োচ্।‌‌‌

যিরমিয় 43:7

এবাবোত্যেগুরি তারা লগেপ্রভুর অবাধ্য ওইনে মিসরত্ সোমেলাক্ আর তফন্‌হেষ সং গেলাক্।

যিরমিয় 49:14

মুই লগেপ্রভুত্তুন্ এ হবরান শুন্যং, এক্কো দূতোরে জাদ্‌‍তুনো ইধু পাদা ওইয়্যে। তে কোইয়্যেদে, “তুমি ইদোমানরে আক্রমণ গুরিবাত্তে এগত্তর্ অ। যুদ্ধো গুরিবাত্তে উদো।”

যিহিষ্কেল 30:14

মুই পথ্রোষরে উগুজ্যে ভূইয়ো ধোক্ক্যেন ফেলেই রাগেম, সোয়নত্ আগুন বাজেই দিম আর নো শঅরানরে সাজা দিম।

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

হোশেয় 7:16

তারা স্বর্গ ইন্দি ন-ফিরোন্; তারা বেঙাটেরা এক্কান ধনু ধোক্ক্যেন। তারার্ নেতাগুনে তারার্ অহংকারবলা কধাবাত্তানিত্তে মুরি যেবাক্, আর সেনত্তে ইস্রায়েলীয়গুনে মিসর দেজত্ আজি-তামাজার্ মান্‌জ্য ধোক্ক্যেন অবাক্।‌‌‌‌‌‌‌‌

ওবদিয় 1:1

ওবদিয়র দর্শন। ইদোম দেজর্ পৌইদ্যেনে প্রভু লগেপ্রভু এ বেক্ কধানি কোইয়্যে। আমি লগেপ্রভুত্তুন্ এক্কান হবর্ পেইয়্যেই। তে জাদ্‌‌‌‌‌তুনো ইধু এক্কো দূতোরে পাধেইনে এ কধাগান কবাত্তে কোইয়্যে, “উদো, আঢঅ আমি ইদোম বিরুদ্ধে যুদ্ধো গুরিবাত্তে যেই।”

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।