যিশাইয় 30:26 - Chakma Bible

²⁶ যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 30:26 Iomraidhean Croise

ইয়োব 5:18

কিত্তেই তে ঘা গুরি দে, আরঅ‌ বানিয়ো দে; তে আঘাত্‌ গরে, আরঅ‌ তা আত্‌তানে সিয়েন্‌ গম্‌ গরে।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 19:22

লগেপ্রভু মিসরানরে আঘাত্ গুরিবো; তে তারারে আঘাত্ গুরিবো আর গম্‌অ গুরিবো। তারা লগেপ্রভু ইন্দি ফিরিবাক্, আর তে তারার কোজোলীগান্দোই রিনি চেবঅ আর তারারে গম্ গুরিবো।

যিশাইয় 24:23

চানানে আমক্ অবঅ আর বেলানে লাজেব, কিত্তে বেগত্তুন্ খেমতাবলা লগেপ্রভু সিয়োন মুড়োবোত্ আর যিরূশালেমত্ রাজাগিরি গুরিবো, আর তার বুড়ো নেতাগুনে তার মহিমাগান দেগিবাক্।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিশাইয় 30:14

সিবে মাদির্ পিলে ধোক্ক্যেন্ কট্টা কট্টা ওইনে ভাঙি যেবঅ; সিয়েন এমন্ গুরিনে ভাঙি যেবঅ, সিগুনো ভিদিরে এক কট্টায়ো পাহ্ ন-যেবঅ যিয়েন্দোই চুলোত্তুন্ আঙারা বা কূয়োত্তুন্ পানি তুলি পারে।”

যিশাইয় 33:24

সিয়োনত্ বজত্তিগুরিয়্যে কনজনে ন-কবাক্, “মুই অসুগ্।” যিগুনে সিয়েনত্ বজত্তি গরন্ তারার পাপ্‌‌পানি খেমা গরা অবঅ।

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিশাইয় 58:8

সালে তমা পহ্‌রান বেন্যে মাদান ধোক্ক্যেন ফগদাং অবঅ‍ আর যাদিমাদি তুমি গম্ অবা; তমা সততাগানি তমা আগে আগে যেবঅ আর মর্ বাঈনী গরানাগান্ তমা পিজে পিজে রোক্ষ্যে গুরিয়্যে অবঅ।‌

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

হোশেয় 6:2

কয়েকদিন পরে তেয়ই আরঅ আমারে বাজেব, আর আমারে আগ অবস্থাত্ ফিরেই আনিবো যেনে আমি তা মুজুঙোত্ বজত্তি গুরি পারিই।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 14:7

সেদিন্নো অন্য কনঅ দিনো ধোক্ক্যেন ন-অবঅ-দিন্‌অ ন-অবঅ, রেত্অ ন-অবঅ; দিনুনোর কধা বানা লগেপ্রভু হবর্ পায়। সেদিন্নোর্ পরেদি পহ্‌র অবঅ।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।