যিশাইয় 30:23 - Chakma Bible

²³ তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 30:23 Iomraidhean Croise

পত্থম 41:18

আর আমক্‌ অবার্‌ ইয়েন্‌, গাঙ ভিদিরেত্তুন্‌ সাত্তো দোল, তেল্‌ তেল্যে গোরু উদি এইনে নলখাগাড়া ঝারত্‌ চড়া ধোজ্যন।

পত্থম 41:26

সাত্তো তেল্ তেল্যে গোরু অত্ত সাত বজর্‌ আর পক্তা সাত্তো গম শীজে অত্তয়ো সাত্‌ বজর। তর্‌ দ্বিয়েন্‌ স্ববন আজলে এক্কুই।

পত্থম 41:47

খেতখেত্তিয়্যে সয়সাগজ্যে সেই সাত বজরত্‌ দেজত্ বোউত্‌ ফসল অলঅ।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

গীতসংহিতা 67:7

গোজেনে আমারে আশিদ্‌বাদ গোজ্যে; সিয়েনি দেগিনে পিত্‌থিমীর বেগত্তুন দূর দেজর মানুচ্চুনেয়ো তার ভক্ত অবাক্।

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 32:20

মাত্তর্ পত্তি গঙার পারত্ বীজ্ লাগেইনে আর তমা গোরু আর গাধাগুনোরে গমেডালে চড়িবাত্তে দিইনে তুমি সুগি অবা।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 65:21

তারা ঘর্ বানেইনে সিদু বজত্তি গুরিবাক্ আর আংগুর খেত্ গুরিনে সে ফলুন হেবাক্।

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

হোশেয় 4:16

ইস্রায়েলীয়গুন এক বুস্যে গোরু ধোক্ক্যেন্। সেনত্তে মাদত্ ভেড়া ছঅগুনো ধোক্ক্যেন লগেপ্রভু কেধোক্ক্যেন গুরি তারারে চোরেব?

লেবীয় 25:19

সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

লেবীয় 26:3

যুনি তুমি মর্‌ বেক্‌ সুদোমানি মান আর মর্‌ উগুমানি পালেইনে চলঅ সালে ঠিগ্ সময়োত্‌ মুই ঝড়র্‌ বেবস্থা গুরিম। সেক্কে তমার ভূইয়ানিত্‌ বেক্‌ ফসলানি অবঅ আর গাজ-বাজর্‌অ ফল জোর্মেবাক।

লেবীয় 26:5

সেক্কে তমার্‌ গম্‌ মাড়ানা কাম্‌ চুলিবো আংগুর তুলোনা অক্ত সং আর আংগুর তুলোনা চুলিবো বীজ লাগানার্‌ অক্ত সং। তুমি সেক্কে পেট ভুরিনে হেই পেবা আরঅ দেজ ভিদিরে চিদেসজ্জা নেইয়্যে গুরি বজত্তি গুরি পারিবা।

সখরিয় 10:1

বসন্তকালত্ ঝড় দিবাত্তে তুমি লগেপ্রভুরে কঅ; তেয়ই ঝড়র্ মেঘ বানায়। তে মানুচ্চুনোরে ঝড় দান গরে আর বেক্কুনো খেদত্ ফসল জর্মায়।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

দ্বি’লম্বর বিররণ 11:14

সিয়েন গুরিলে লগেপ্রভু ঠিগ্ সময়োত্‌, অত্তাৎ শরৎ আর বসন্তকালত্‌ তমার দেজ উগুরে ঝড়্ দিবো যেনে তুমি ভালোক্কুন শোজ্য, নুয়ো আংগুরো-রস আর তেল পেবা।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।