যিশাইয় 30:2 - Chakma Bible

² তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 30:2 Iomraidhean Croise

১ রাজাবলী 22:7

মাত্তর্‌ যিহোশাফটে কলঅ, “ইয়েনত্‌ কি লগেপ্রভুর্‌ কনঅ ভাববাদী নেই যিবের্‌ ইদু মুই পুযোর্‌ গুরি পারং?”

২ রাজাবলী 17:4

মাত্তর্‌ আসিরিয়ার রাজা হবর্‌ পেলদে, হোশেয় এক্কো বেঈমান, কিত্তে তে মিসরর সো রাজা ইদু দূত পাদেয়্যে আর আসিরিয়ার রাজারে বজরকে বজর্‌ যে হাজানাগুন্‌ দি এজের্‌ সিগুন্‌ আর্‌ ন-দের্‌। সেনত্তে শল্‌মনেষর হোশেষরে ধুরিনে জেলোত্‌ দিলো।

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

যিশাইয় 16:3

তারা কবাক্, “আমারে সল্লা দে; কি গরানা উজিত্ কঅ। তর্ দিবুজ্যেমাদান ছাবাবোরে রেদো আন্ধার ধোক্ক্যেন গর্-যিগুনে ধেই যাদন্ তারারে লুগেই রাগা, আর যিগুনে রোক্ক্যে পেবাত্তে আশ্রয় চান তারারে ধুরি ন-দিচ্।

যিশাইয় 18:1

হায়! কূশ দেশর্ গাঙানির্ উপারত্ এমন এক্কান দেশ আঘে যিয়েনত্ ডুয়ো ধোক্ক্যেন ঝি ঝি রঅ শুনো যায়।

যিশাইয় 36:6

তুই দঅ বিশ্বেজ্ গরর্ সেই ভাঙি যেইয়্যে নল, অত্তাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আঢ্‌তান কানা গুরি দিবো। মিসরর্ রাজা ফরৌণ উগুরে যিগুনে বিশ্বেজ্ গরন তারা উগুরে তে সিয়েনই গরে। ‍

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 21:2

“বাবিলর রাজা নবূখদ্‌নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।”

যিরমিয় 37:5

সেক্কে বাবিলীয়গুনে যিরূশালেমান ঘিরি রাগেয়োন, মাত্তর্ তারা যেক্কে শুনিলাক্ ফরৌণর সৈন্যদলুন মিসরত্তুন্ নিগিল্ল্যন সেক্কে তারা যিরূশালেমান ফেলেই গেলাক্।

যিরমিয় 42:14

আর যুনি তুমি কঅ, আমি যেইনে মিসরত্ বজত্তি গুরিবোং; সিদু আমি যুদ্ধোও ন-দেগিবোং, শিঙের রয়ো ন-শুনিবোং, হানার অভাবে পেদঅ ন-পুরিবো,

যিরমিয় 42:20

তুমি অমকদ ভুল গুরিবাত্তে যর্। তুমি মরে তমা গোজেন লগেপ্রভু ইধু ইয়েন কোইনে পাদেয়ো, ‘তুই আমাত্তে আমা গোজেন লগেপ্রভু ইধু তবনা গর্; তে যিয়েনি কবঅ সিয়নি বেক্কানি তুই আমারে কবে আর আমি সিয়েনি গুরিবোং।’

যিরমিয় 43:7

এবাবোত্যেগুরি তারা লগেপ্রভুর অবাধ্য ওইনে মিসরত্ সোমেলাক্ আর তফন্‌হেষ সং গেলাক্।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

হোশেয় 7:13

অভিশাব্ পোড়োক্ তারার্, কিত্যে তারা মত্তুন্ ভান্ন্যেই পধেদি যেইয়োন। তারার্ সর্বনাশ ওক্, কিয়া তারা মঅ বিরুদ্ধে উল্লোমী গোজ্যন। মুই তারারে উদ্ধোর্ গুরিবাত্তে চাং মাত্তর্ তারা মঅ বিরুদ্ধে মিজে কধা কন্।

হোশেয় 8:10

যুনিয়ো তারা নানান্ জাদ লগে টেঙা দিইনে দাংগুত্ব গোজ্যন্ তো ইক্কিনে মুই তারারে একলগে এগত্তর্ গুরিনে সাজা দিম। তারা শাজন্‌গুরিয়্যেগুনোর্ রাজার অত্যেচারে ক্ষয় ওই যেবাক্।

হোশেয় 8:9

গায় গায় ঘুরি বেড়েয়্যে ঝার্‌‌বো গাধা ধোক্ক্যেন তারা আসিরিয়া সং যেইয়োন। ইফ্রয়িমে টেঙা দিইনে লাঙেগুনোরে আন্যে।

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

দ্বি’লম্বর বিররণ 28:68

মিসরত যানা পৌইদ্যেনে মুই তারারে কোইয়োং, সেই পথতানন্দি আর কনদিনঅ তমাত্তুন টেং দিয়্যে ন-পুরিবো; মাত্তর্‌ লগেপ্রভু সেক্কে জাহাজত্‌ ভোরেইনে তমারে মিসরত ফেরৎ পাদেব। সিয়েনত্ তুমি চাগর আর চাগরানি ইজেবে শত্রুগুনো ইদু নিজোরে বিজি দিবাত্তে চেবা মাত্তর্‌ কনজনে তমারে ন-কিনিবাক্।”

যিহোশূয় 9:14

ইস্রায়েলীয়গুনে তারার হানানি নেযেইনে চেলাক্‌ ঠিগ্ মাত্তর্‌ লগেপ্রভুর মতামত্তান্‌ পুজোর্‌ ন-গুরিলাক্‌।

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।