যিশাইয় 30:19 - Chakma Bible

¹⁹ ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 30:19 Iomraidhean Croise

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

যিশাইয় 10:24

সেনত্তে বেগত্তুন্ খেমতাবলা প্রভু লগেপ্রভু কোইয়্যেদে, “ও মঅ মানুচ্চুন্, তুমি যিগুনে সিয়োনত্ থাগঅ, যুনিয়ো আসিরিয়গুনে মিসর দেজ ধোক্ক্যেন্ গুরি তমারে লুদিক্কোই পিদোন্ আর তমা বিরুদ্ধে গদা তুলোন্ তো তুমি তারারে ন-দোরেবা।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 58:9

সেক্কে তুমি তবনা গুরিলে মুই জোব্ দিম; তুমি সাহায্যত্তে ডাগিলে মুই কোম্, এইয়্যে দঅ মুই। যুনি তুমি তমাত্তুন্ অত্যেচারীগুনোর জুঙোলানি, ঠাট্টা মজ্‌‍‌কারি আর ইংসেমুলক্ কধাবাত্তানি ছাড়ি দুয়ো,

যিশাইয় 60:20

তঅ বেলানে আর কনদিন্অ ন-ঢুবিবো, তঅ চানানেয়ো আর চিগোন ওই ন-যেবঅ। লগেপ্রভু অবঅ তর্ জিংকানিবরর্ পহ্‌র;‌‌‌‌‌‌‍‍ তর্ আবিলেচর দিনুন্ থুম্ অবঅ।

যিশাইয় 65:18

মুই যিয়েন বানেম্ তুমি যেনে উমরত্যে হুজি থাগঅ আর ফুত্তি গরঅ, কিত্তে মুই যিরূশালেমানরে এক্কান ফুত্তির্ জিনিস আর তা মানুচ্চুনোরে এক্কান হুজির্ জিনিস ইজেবে বানেম্।

যিশাইয় 65:19

মুই যিরূশালেমানরে নিইনে ফুত্তি গুরিম আর মঅ মানুচ্চুনোরে নিইনে হুজি ওম্; সিয়েন ভিদিরে আর কনঅ কানাকুদির্ রঅ শুনো ন-যেবঅ।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিরমিয় 30:12

লগেপ্রভু কোইয়্যেদে, তঅ ঘা-গান গম্ গরা ন-যায়, তঅ আঘাত্‌তান চিগিৎসের্ বারেদি।‌

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 31:16

তর্ কানাকুদিগান থামা আর চোগো পানিগান পুয্, কিত্তে তঅ কামর্ বক্‌শিজ্‌চান তুই পেবে। তারা শত্রুগুনো দেজত্তুন ফিরি এবাক্।‍‌

যিরমিয় 31:6

এমন এক্কো দিন এবঅ যেক্কে ইফ্রয়িমর মুড়োবো উগুরে চুগিদারুনে রঅ ছাড়িনে কবাক্, ‘আঢ, আমি সিয়োনত্ আমা গোজেন লগেপ্রভু ইধু যেই।’ ”

যিরমিয় 31:9

তারা কানি কানি এবাক্; মুই যেক্কে তারারে ফিরেই আনিম সেক্কে তারা তবনা গুরি গুরি এবাক্। সং পধেদি মুই পানি গঙার ইন্দি তারারে আনিম; সিয়েনত্ তারা উজোত্ ন-হেবাক্, কিত্তে মুই ইস্রায়েলর, অত্তাৎ ইফ্রয়িমর বাপ্ আর তে মর্ পোইল্যা পুয়োবো।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 51:10

আমি যে লগেপ্রভুর নিজোর্ মানুচ্ তে সিয়েন দেগেই দিয়্যে, আমা গোজেন লগেপ্রভু যিয়েনি গোজ্যে এজঅ, আমি সিয়েনি সিয়োনত্ কোই।

যিহিষ্কেল 20:40

সেক্কে দেজ ভিদিরে মর্ সুদ্ধো-সাংগ মুড়োবো উগুরে, ইস্রায়েলর অজল্ মুড়োবো উগুরে ইস্রায়েলর বেক্ মানুচ্চুনে মরে সেবা গুরিবাক্ আর সিয়েনত্ মুই তারারে গুজি লোম্। সিয়েনত্ মুই তমার বেক সুদ্ধো-সাংগ উৎসর্বনি, দান আর গম্ গম্ বক্‌‌‌‌‌শিজচানি মাগিম্।

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

মীখা 4:9

কিত্তে তুই ইক্কিনে জোরে জোরে কানর্? তুই কি রাজা নেই? তর্ সল্লা দিয়্যেবো কি মুরি যেইয়্যে? সেনত্তে কি পুয়ো ফুদোইদ্যে দুঘ্ পেইয়্যে মিলে ধোক্ক্যেন তরে পীড়ে ধোজ্যে?

লূকে লেখ্যে গম্ হবর্ 6:21

বর্‌পেইয়্যে তুমি, যিগুনোর্ ইক্কিনে পেট্ পুরের্, কিয়া তমার্ ঈল্ অবঅ। যিগুনে ইক্কিনে কানদন্, তুমি বর্‌পেইয়্যে, কারন তুমি আজিবা।

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

ফগদাং পেইয়্যে 5:4

সেক্কেনে মুই ভারী কানা ধল্লুং, কিয়া এন্‌ কাররে পাহ্ ন-গেল যে সেই বোইবো মেলিবার বা চেবার যোগ্য।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”