যিশাইয় 30:18 - Chakma Bible

¹⁸ তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 30:18 Iomraidhean Croise

ইয়োব 35:14

তুই কোইয়োচ্চে, তুই তারে ন-দেগচ্, তর্ মগদ্দমাগান তা মুজুঙোত্ আঘে, আর তুই তা বিচেরত্তে বাজ্জেই আগচ্।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

গীতসংহিতা 34:8

যগা চাহ্ লগেপ্রভু মংগলময়; বর্‌পেইয়্যে সেই মানুচ্চো, যিবে তাইদু আশ্রয় নেযায়;।

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

যাত্রা 34:6

তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

গম্ উপদেজ্ 16:20

যে মানুচ্চো গোজেনর কধা শুনে তার ভালেদি অয়, আর যে লগেপ্রভু উগুরে বিশ্বেজ্ গরে তে বর্ পেইয়্যে।

যিশাইয় 18:4

লগেপ্রভু মরে কোইয়্যেদে, “তেল্‌তেল্যে আগাজত্ রোদো তেজ ধোক্ক্যেন্, হরান্যেত্ খেত্-খেত্তি কাবিবার অক্তত্ খুয়ো মেঘ ধোক্ক্যেন্ মুই জুরো গুরিনে মঅ থেবার জাগানত্তুন্ চেই থেম্।”

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 28:17

মুই ন্যায়বিচেরানরে মাবর্ দুড়ি আর সততাগানরে ওলনদুড়ি গুরিম্; শিলোঝরানে তমারে আশ্রয় জাগা ধোক্ক্যেন্ মিজেগানরে ভস্ত গুরি দিবো, আর বান পানিগানে তমার পোল্যে থেবার্ জাগায়ান ভাজেই নেযেব।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

যিশাইয় 42:14

মুই লগেপ্রভু ভালোক্ দিন জুরো গুরি এলুং; মুই শান্ত থেইনে নিজোরে দোঙেই রাগেয়োং। মাত্তর্ ইক্কিনি পুয়ো পুদেয়্যে মিলে ধোক্ক্যেন মুই রঅ ছাড়ঙর্, নিজেস্ ফেলাঙর্ আর ফবাঙর্।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 48:9

মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিশাইয় 55:8

লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিরমিয় 17:7

মাত্তর্ সে মানুচ্চো বর্‌পেইয়্যে, যে লগেপ্রভু উগুরে বিশ্বেজ্ গরে আর লগেপ্রভু যিবের্ বিশ্বেজর্ গড়াগান।‍‌‍

যিরমিয় 42:7

ইয়েনর দশদিন পরে যিরমিয় ইধু লগেপ্রভুর কধানি ফগদাং অলঅ।

দানিয়েল 12:12

সেই মানুচ্চো বর্ পেইয়্যে যে বাজ্জ্যেই থায় আর এক আজার্ তিনশঅ পাত্রিশ দিনোর্ থুম্ সং থির্ থায়।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

হোশেয় 2:14

পরেদি মুই তারে মিদে কধা কোইনে ধূল্যেচর-চাগালাত্ নেযেম আর তা সমারে কোচ্‌পানার কধা কোম।‌‌

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”

লূকে লেখ্যে গম্ হবর্ 15:20

ইয়েন কোইনে তে উদিনে তা বাবঅ ইধু গেলঅ। তে দূরোত্ থাগদে তারে দেগিনে তা বাবর্ ভারী চিত্‌ পুল্ল্য। তে ধাবা যেইনে তারে বেড়েই ধুরিনে চুমিলো।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

রোমীয় 5:20

রীদি-সুদোম দিয়্যে অলঅ যাতে অন্যেয় বাড়ি যায়, মাত্তর্ যিয়েনত্ অন্যেয় বাড়িলো সিয়েনত্ গোজেনর্ দোয়্যেও বজমান্ বাড়িলো।

রোমীয় 9:22

ঠিগ্ সেবাবোত্যেগুরি গোজেনে তা রাগ্‌কান্ আহ্ খেমতাগান্ দেগেবাত্তে চেইয়্যে; তো যে মানুচ্চুনো উগুরে তা রাগ্‌কান্ ফগদাং গুরিবো, খুব ধৈজ্জ্য ধুরিনে তে তারারে সোজ্জ্য গুরিলো। এ মানুচ্চুনোর বানা এক্কান্ পাওনা এলদে ভস্ত অনা।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 1:8

এ দোয়্যেগান গোজেনে তার্ দাঙর্ জ্ঞান আর বুদ্ধিলোই খুলো আঢে আমারে দান গোজ্জ্যে।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

যাকোব 5:11

যিগুনে ধৈয্য ধুরিনে সোজ্জ্য গোজ্জ্যন তারারে আমি বর্ পেইয়্যে কোই। তুমি ইয়োবর্ ধৈয্যর্ কধা শুন্ন্য আর প্রভুর কামর শেজ্ ফল যে গম সিয়েন্‌অ দেক্ক্য। প্রভুর দোয়্যে আর মেয়্যের্ শেজ্ নেই।

২ পিতর 3:15

মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।

১ শমূয়েল 2:3

তুমি আর বার্‌বো কধা ন-কোইয়ো, অহংকারর্ কধা তমা মুয়োত্তুন্ ন নিগিলোক্; কিত্যে লগেপ্রভু এধোক্ক্যেন গোজেন যে বেক্কানি হবর্ পাই, আর তেয়ই কামানি মাবি চাই।