যিশাইয় 30:12 - Chakma Bible

¹² সেনত্তে ইস্রায়েলর সেই পবিত্র মানুচ্চো এ কধাগান্ কোইয়্যেদে, “তুমি মঅ কধাগান্ এলাফেলা গোজ্য, আর মিজে আর অত্যেচার্ গরানা উগুরে বিশ্বেজ্ গোজ্য।

যিশাইয় 30:12 Iomraidhean Croise

গীতসংহিতা 52:7

“উইয়োবো চাহ্, সেই মানুচ্চো গোজেনরে তার্ আশ্রয়-জাগা ন-গরে; তার বোউত্ ধন-সোম্বোত্তি উগুরে তে নির্ভর গোজ্যে আর ভান্ন্যেই কামনা-বাসনার বল্লোই নিজোরে বোলীবন্ধ গোজ্যে।”

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 24:2

কিত্তে তারার রিবেঙানিয়ে অত্যেচার্ গুরিবার কুজুরোমি গরে, আর তারার মুয়োনি অন্যেয় গুরিবার কধা কয়।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিশাইয় 28:15

তুমি বাড়্‌বো গুরিনে কঅ, “আমি মরণ সমারে, মরণ জাগা সমারে এক্কো চুক্তি গোজ্জ্যেই। ভস্তর্ চাবুক্ যেক্কে জোরে লামি এবঅ সেক্কে সিয়েন্ আমা ইদু ন-এবঅ, কিত্তে আমি মিজেগানরে আমার্ আশ্রয় জাগা আর ছলনাগানরে আমার্ লুগেবার জাগা গোজ্জ্যেই।”

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 30:1

লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 30:7

মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

যিরমিয় 13:25

ইয়েনই তর্ পাওনা; ইয়েনই মুই তত্বে মাবি দুয়োং, কিত্তে তুই মরে ভুলি যেইনে মিজে দেব-দেবেদা উগুরে বিশ্বেজ্ গোজ্যস্।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।