যিশাইয় 3:9 - Chakma Bible

⁹ তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিশাইয় 3:9 Iomraidhean Croise

পত্থম 13:13

সদোম মানুচ্চুনে অমকদ বজং এলাক্ আর লগেপ্রভু মুজুঙোত্‌ তারা জদবদে পাপ গুরিলাক্।

পত্থম 19:34

তার্‌ কেল্যে দাঙর্‌বো চিগোন্নোরে কলঅ, “চাহ্, কেল্যে রেদোত্‌ মুই বাবা লগে ঘুম্‌ যেয়োং। আদিচ্‌, এচ্চ্যে রেদোত্‌অ তারে সেধোক্ক্যেন গুরি মাত্তল্‌ গুরিই, সে পরেদি তুই যেইনে তা লগে ঘুম্‌ যেবেগোই। সেক্কে বাবারে দিইনে আমি আমা বংশবো রোক্ষ্যে গুরি পারিবোং।”

পত্থম 4:5

মাত্তর্ কয়িন আর তা উৎসর্বয়ানি গুজি ন-ললঅ। ইয়েনত্যে কয়িনোর অমকদ রাগ্‌ অলঅ আহ্ তে মু কালা গুরি থেলঅ।

২ রাজাবলী 9:30

ইয়েনর্ পরেন্দি যেহূ যিষ্রিয়েলত্‌ গেলঅ। ঈষেবলে সে কধাগান শুনিনে চোগোত্‌ কাজল্‌ দিইনে আর দোল্‌ গুরি চুল বানিনে জান্দালান্দি চেলঅ।

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গম্ উপদেজ্ 15:32

যে মান্‌জ্যে শাজন্ এলাফেলা গরে তে নিজোরে তুচ্চো গরে, মাত্তর্ যে মান্‌জ্যে সংশোধন কধানি শুনে তে বুদ্ধি পায়।

গম্ উপদেজ্ 30:13

তারার চোগ্‌কুন বাড়্‌‌বো, তারার রিনি চানাগান্অ বেদোক্ক্যেন্,

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিশাইয় 3:16

লগেপ্রভু আরঅ কলঅ, “সিয়োনর মিলেগুন্ বাড়্‌বো। তারা মাঢাবো উজু গুরি আঢি বেড়ান্ আর চোগেদি ইজিরে দুয়োন্; টেঙ নূপুরোর্ রুম্‌ঝুম রঅবো তুলিনে তারা পাদল্ টেঙানিলোই কায়দা গুরিনে আঢন্।

যিশাইয় 57:20

মাত্তর্ পাজিগুনে দুলি দুলি থেইয়্যে বড় সাগর ধোক্ক্যেন যিয়েনর তুবোলানে পাক্‌কাবাই আর কাদা উগুরে তুলে।

যিশাইয় 59:12

ও লগেপ্রভু, তঅ চোগেদি আমার অন্যেয়ানি বোউত্ বেশ্; আমা পাপ্‌পানিয়ে আমা বিরুদ্ধে সাক্ষি দে। আমা অন্যেয়ানি আমা সমারে সমারে আগে আর আমা দুষ্‌চানি আমি হবর্ পেই।‌

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

আবিলেচ্ 5:16

আমা মাঢাত্তুন্ মুকুট পড়ি যেইয়্যেগোই। অভিশাব্ পোড়োক্ আমার্, কিত্যেই আমি পাপ গোজ্যেই!

যিহিষ্কেল 16:30

“‘মুই প্রভু লগেপ্রভু কঙর্, তুই কদক্ মন-মরা, কিত্তে তুই বেগেয়্যে বেশ্যে ধোক্ক্যেন্ এ কামানি গোজ্যস্।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 23:16

তারারে দেগানার্ লগে লগে তারা উগুরে তার কামনা জাগিলো আর তে বাবিলোত্ তারা ইধু মানুচ্ পাদেল।

দানিয়েল 7:20

তা মাঢাত্ দোশ্‌‌‌‌‌‌‌‌‌‌চো শিং পৌইদ্যেনে আর অন্য যে শিঙো উঠ্যে, যিবের মুজুঙোত্ তিন্নো শিং পড়ি যেইয়্যে, যিবের্ চোগ আর বাড়্‌‌‌‌‌‌‌‌‌‌বো গোজ্যে মু এলঅ আর যিবে অন্যগুনোত্তুন্ দাঙর্ ওই উঠ্যে, সেই শিঙুনো পৌইদ্যেনে জানিবাত্তে চেলুং।

হোশেয় 13:9

ও ইস্রায়েল, তুই মর্ বিপক্ষে, অত্তাৎ তর্ সাহায্যগুরিয়্যের্ বিপক্ষে আগচ্ বিলি মুই তরে ভস্ত গুরিম।

হোশেয় 5:5

ইস্রায়েলর অহংকারানে তারা বিরুদ্ধে সাক্ষি দে; ইফ্রয়িম, এন্ কি, গোদা ইস্রায়েলে তারা পাপত্তে উজোত্ খার্ আর যিহূদায়ো তারা লগে উজোত্ খার্।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

ফগদাং পেইয়্যে 11:8

তারার্ প্রভুরে যে শঅরত্ ক্রুশোত দিয়্যে ওইয়্যে সেই দাঙর্ শঅরানর্ পধত্ তারার কিয়্যেনি পড়ি থেবঅ। সেই শঅরানর্ নাঙান্ সদোম আর মিসরঅ কুয়ো অয়।

১ শমূয়েল 15:32

পরেন্দি শমূয়েলে কলঅ, “অমালেকীয়গুনোর রাজাবো অগাগরে মইদু আন্।” এই কধাগান শুনিনে অগাগ তার পক্তা-মক্তা কিয়্যেগান্দোই দুলোং-দালংগুরি শমূয়েলর ইদু এলঅ। তে মনে গুরিলো মরণর যন্ত্রণাগান্ ইক্কিনে আর নেই।