যিশাইয় 3:26 - Chakma Bible

²⁶ সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 3:26 Iomraidhean Croise

ইয়োব 2:13

সে পরেন্দি তারা সাত দিন আর সাত রেত্‌ সং তা সমারে মাদিত্‌ বজিনে থেলাক্‌। তারা ভিদিরেত্তুন্‌ কনজনে তারে কিচ্ছু ন-কলাক্‌, কিত্তেই তা দুঘ্‌কান যে জদবদে সিয়েন তারা দেগদন।

ইয়োব 2:8

সেক্কে ইয়োবে ছেইয়োর সংমোধ্যে বজিনে সার্‌ভাঙালোই নিজো কিয়্যেগান্‌ ঘজা ধুরিলো।

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 33:9

দেজ্‌চানে আবিলেচ্ গরের্ আর শুগেই যার্, লেবাননে লাজ্ পেইয়্যে আর শুগেই যার্, শারোণানে ধূল্যেচর-চাগালা ধোক্ক্যেন ওইয়্যে আর বাশন আর কর্মিলো বেক্ গাজ পাদানি ঝুরি পড়ের্।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 14:2

“যিহূদা আবিলেচ্ গরের্, কিত্তে তা শঅরানি বল্‌পোজ্যে ওই পোজ্যে; সিদুগোর মানুচ্চুনে মাদিত্ পড়িনে আবিলেচ্ গত্তন্, আর যিরূশালেমত্তুন এক্কো কানানা রঅ উগুরে উদের্।‌‍‍‍‍‍‍

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

আবিলেচ্ 2:8

সিয়োন-ঝিবোর্ চেরোকিত্তে দেবালানি ভাঙি ফেলেবার লগেপ্রভু থির্ গোজ্যে। তে মাবেদে দুড়িলোই মাপ্যে আর ভস্ত গুরিবার কামত্ নিজো আঢ্‌তানিরে থামেই ন-রাগায়। তে সিয়োনর তাম্বুল আর দেবালানিরে আবিলেচ্ গুরিবাত্যে দিয়্যে; সিয়েনি এক সমারে বল্‌পোজ্যে ওইয়্যে।

যিহিষ্কেল 12:20

মানুজে ভরা শঅরানি ভস্তর্ জাগা ওই থেবঅ আর দেজচান মানুচ্ নেইয়্যে অবঅ। সেক্কে তুমি হবর্ পেবা যে, মুয়ই লগেপ্রভু।’ ”

যিহিষ্কেল 26:16

সেক্কে সাগর পাড় দেজ্‌‌‌‌‌‌‌‌চানির রাজাগুনে তারার্ সিংহাসনত্তুন্ লামিনে তারার্ রাজপোশাক্ আর নক্‌‌‌‌‌‌‌‌সা গোজ্যে পোজাক্কানি খুলি ফেলেবাক্। অমকদ দরে তারা মাদিত্ বুজিবাক্, আমিঝে গির্‌‌‌‌‌‌‌‌গিরেবাক্ আর তরে দেগিনে আমক্ অবাক্।

মীখা 1:9

ইয়েনর কারনান্ শমরিয়ার ঘা গান আর গম্ ন-অবঅ; সিয়েন যিহূদা ইধু লুম্মেগি। সিয়েন মঅ মানুচ্চুনোর্ গেদো সং, এমন কি, যিরূশালেম সং লুম্মেগি।

মথি লেখ্যে গম্ হবর্ 11:17

‘আমি তমাত্তে বাজানা বাজেলং, তুমি ন-নাজিলা; আবিলেজর্ গান্ গেলং, তুমি বুগ্ ন-চাবেড়েলা।’

লূকে লেখ্যে গম্ হবর্ 19:44

তারা তরে আর তঅ ভিদিরে বেক্‌ মানুচ্চুনোরে ধুরিনে মাদিত্ আঝার্ মারিবাক্ আর এক্কো পাত্তর উগুরে আর এক্কো পাত্তর্ ন-থবাক্, কিয়া গোজেনে যে অক্তত্ তইন্দি মনযোগ্ দিয়্যে সেই সময়ান্ তুই ন-চিনোচ্।”