যিশাইয় 3:25 - Chakma Bible

²⁵ তমা মানুচ্চুনে তলোয়ারর্ আঘাতে আর যোদ্ধাগুনে যুদ্ধোত্ মারা পুরিবাক্।

যিশাইয় 3:25 Iomraidhean Croise

২ বংশধর 28:6

রমলিয়র পুয়ো পেকহে একদিনো ভিদিরে যিহূদাত্‌ এক লাখ্‌ কুড়ি আজার সৈন্যরে মারে ফেলেয়্যে, কিয়া যিহূদার মানুচ্চুনে তারার্‌ পূরোণি মানুচ্‌ গোজেন লগেপ্রভুরে ছাড়ি যেইয়োন।

২ বংশধর 29:9

ইয়েনত্তে আমা পূরোণি মানুচ্চুনে যুদ্ধোত্‌ মারা পোজ্যন্‌ আর আমা মোগ্‌কুনে আর ঝি-পুয়োগুনে বন্দী ওইয়োন্‌।

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিরমিয় 11:22

মুই বেগত্তুন্ খেমতাবলা লগেপ্রভু কঙর্, মুই তারারে সাজা দিম। তারার গাবুজ্যেগুনে যুদ্ধোত্ আর তারার ঝি-পুয়োগুনে ভাদ রাদে মুরি যেবাক্।

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 21:9

যে কনজনে এ শঅরত্ থেবঅ তে যুদ্ধোত্ বা ভাদরাদে বা ভানালোই মুরি যেবঅ, মাত্তর্ যে কনজনে বারেদি নিগিলিনে তমা আক্রমণ গুরিয়্যে বাবিলীয়গুনো আঢত্ নিজোরে তুলি দে তে বাঁজিবো; তে তা পরাণান বাঁজেই পারিবো।

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

আমোষ 9:10

মর্ বেক পাপী মানুচ্চুনো ভিদিরে যিগুনে কন্, ‘অমংগলে আমারে লাগত্ ন-পেবঅ বা আমা ইধু ন-এবঅ,’ তারা বেক্কুনে যুদ্ধোত্ মুরিবাক্।”