যিশাইয় 3:12 - Chakma Bible

¹² যিগুনে মঅ মানুচ্চুনোরে অত্যেচার গরন্ তারা চিগোন গুরো ধোক্ক্যেন্, আর যিগুনে তারারে শাজন্‌ গরন্ তারা মিলে ধোক্ক্যেন্। ও মঅ মানুচ্চুন্, তমারে পথ দেগেবার মানুচ্চুনে তমারে ভান্ন্যেই পধেদি নেযায়; তারা গম্ পধত্তুন্ তমারে ভান্ন্যেই পধেদি নেযায়।

যিশাইয় 3:12 Iomraidhean Croise

২ রাজাবলী 11:1

যিহূদার রাজা অহসিয়োর মা অথলিয়া যেক্কে দেগিলো, তা পুয়োবো মুরি যেইয়্যে সেক্কে তে পূরো রাজবংশবোরে ভস্ত গুরিলো।

ইয়োব 30:13

তারা মঅ পথ্‌তান্ আক্‌সোই ‌ দুয়োন্; কারঅ সাহায্য নেইয়্যে গুরি তারা মরে খেতি গরন্।

গম্ উপদেজ্ 28:16

যে শাজন্ গুরিয়্যেবোর বিচের বুদ্ধি নেই তে অমকদ অত্যেচার গরে; যে শাজন্ গুরিয়্যেবো লুভ গরানা ঘিনেই তে ভালোক্‌দিন বাঁজি থায়।

উপদেশক 10:16

অভিশাবপেইয়্যে সে দেশ্‌ছান, যিয়েনত্ চিগোন্ পুয়োবো রাজপদ্‌তান পায় আর সিদুগোর্ মন্ত্রীগুনে বেন্যেমাদান্ হানা হান্।

যিশাইয় 19:14

লগেপ্রভু তারা ভিদিরে যাগুলুগ্ ভাব গুরি দিলো, সেক্কে মাত্তলে ধোজ্যেবো যেধোক্ক্যেন তার অগলেদে কামত্ টলমল গরে সেধোক্ক্যেন বেক কামানিত্ তারা মিসরানরে টলমল গরাদন্।

যিশাইয় 3:4

তারা উগুরে তে বয়জ কম্ বলা পুয়োগুনোরে সদ্দার্ বানেব; বুদ্ধি কম্ গাবুজ্যে পুয়োগুনে তারার্ শাজন্‌গুরিয়্যে অবাক্।

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

মীখা 3:5

যিদুক্কুন ভাববাদী মঅ মানুচ্চুনোরে ভান্ন্যেই পধেদি নেযেয়োন তারারে যুনি কনজনে হেবাত্তে দুয়োন্ সালে তারা “শান্তি” কোইনে ফগদাং গরন্; মাত্তর্ যুনি হেবাত্তে ন-দুয়োন সালে তারা তা বিরুদ্ধে যুদ্ধো গুরিবাত্তে যুক্কোল্ অন্। সেনত্তে লগেপ্রভু সেই ভাববাদীগুনোরে কত্তে,

নহূম 3:13

তঅ সৈন্যগুন দঅ বেক্কুন্ মিলে ধোক্ক্যেন্। তঅ দেজর্ গেইট্টুন্ তঅ শত্রুগুনোর্ মুজুঙোত্ এক্কুবারে খুলো রোইয়্যে; আগুনানে সিগুনোর হুক্কুন্ পুড়ি ফেলেয়্যে।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।