যিশাইয় 29:9 - Chakma Bible

⁹ তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 29:9 Iomraidhean Croise

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 19:14

লগেপ্রভু তারা ভিদিরে যাগুলুগ্ ভাব গুরি দিলো, সেক্কে মাত্তলে ধোজ্যেবো যেধোক্ক্যেন তার অগলেদে কামত্ টলমল গরে সেধোক্ক্যেন বেক কামানিত্ তারা মিসরানরে টলমল গরাদন্।

যিশাইয় 29:1

হায়, অরীয়েল, অরীয়েল, দায়ূদোর থেবার জাগায়ানর শঅরান্! তুই বজরর্ পর্ বজর্ পার্ গুরি যর্ আরি তঅ পরব্‌পুন ঘুরি ঘুরি এত্তন্।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিশাইয় 63:6

মুই অমকদ বেজার্ ওইনে জাদ্‌‌‍তুনোরে টেঙোই মারিলুং; মর্ রাগে তারারে মাত্তল মান্‌‌‍জ্য ধোক্ক্যেন গুরিলুং আর মাদিত্ তারার লো-নি ঢালি দিলুং।”

যিরমিয় 13:13

সালে তুই তারারে কবে, লগেপ্রভু কোইয়্যেদে, ‘যিগুনে এ দেজত্ বজত্তি গরন, অত্তাৎ দায়ূদোর সিংহাসনত্ বোস্যে বেক্ রাজাগুনোরে, ধর্মগুরুগুনোরে, ভাববাদীগুনোরে আর যিরূশালেমত্ বজত্তি গুরিয়্যে বেক্কুনোরে মুই মাত্তল্ গুরি থোম্।‌

যিরমিয় 2:12

ও আগাজ্‌‍‍চান্, ইয়েন দেগিনে আমক্ অ আরঅ অমকদ দোরেইনে গির্‌‍‍‍‍গিরা,

যিরমিয় 23:9

যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

যিরমিয় 25:27

সে পরেদি লগেপ্রভু মরে কোইয়্যেদে, তারারে কঅ, ইস্রায়েলর্ গোজেন বেগত্তুন খেমতাবলা লগেপ্রভু কোইয়্যেদে, মুই তমা ভিদিরে যুদ্ধো পাদাঙর্; তুমি মর্ রাগর গলস্‌চত্তুন হঅ, মাত্তল্ অ, অগল, গোজ্যে পড় আর ন-উঠ্য‌‌।

যিরমিয় 4:9

লগেপ্রভু কোইয়্যেদে, “সেদিন্যে রাজা দাঙর্ পদত্ কামগুরিয়্যেগুনে সাহস আরেবাক্, আর ধর্মগুরুগুনে আর ভাববাদীগুনে আমক্ অবাক্।”

যিরমিয় 51:7

বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্‌‌‌থিমীগানরে মাত্তল্ গোজ্যে। জাদ্‌‌‌তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

হবক্‌‌‌‌কূক 1:5

জোবত্ লগেপ্রভু কোইয়্যেদে, “তুমি জাদ্‌তুনো ইন্দি রিনি চঅ, সেক্কে তুমি এক্কুবারে আমক্ অবা, কিত্যেই তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তমারে কলেয়ো তুমি বিশ্বেজ্ ন-গুরিবা।‌ ‌ ‌

মথি লেখ্যে গম্ হবর্ 26:45

পরেদি তে শিচ্চ্যগুনো ইধু এইনে কলঅ, “তুমি কি এজঅ ঘুম যর্ আর জিরোর্? চঅ, সময়বো লুম্মেগি, মান্‌জ্য পুয়োবোরে পাপীগুনো আঢত্ ধুরি দিয়্যে অবঅ।

মার্ক 14:41

যেক্কেনে তে তিনবার্ ফিরি এলঅ আর তে তারারে কলঅ, “তুমি কি এজঅ ঘুম যর্ আর জিরোর্? যগাজ্যে ওইয়্যে। সময়বো লুম্মেগি, চঅ, মান্‌জ্য পুয়োবোরে ইক্কিনে পাপীগুনো আঢত্ ধুরি দিয়্যে অর্।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।