যিশাইয় 29:5 - Chakma Bible

^5-6 মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিশাইয় 29:5 Iomraidhean Croise

ইয়োব 21:18

কদক্‌বার্‌ তারা বোইয়্যের মুয়োত্‌ ঘাস ধোক্ক্যেন্ অন্‌ আর ঝড়র মুয়োত্‌ উড়ি যেইয়্যে তুজো ধোক্ক্যেন্ অন্?

গীতসংহিতা 1:4

মাত্তর্ পাজিগুনে সেবাবোত্যে নয়; তারা যেন বোইয়্যেরে উড়ি যেইয়্যে তুজো ধোক্ক্যেন্।

গীতসংহিতা 35:5

তারা বোইয়্যের মুয়োত্ তুজো ধোক্ক্যেন্ উড়ি যাদোক্; অয়, লগেপ্রভুর দূত্‌তো তারারে ধাবেই দুয়োক্।

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 25:3

সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 29:20

চিৎনপুজ্যেগুনে আর্ ন-থেবাক্; ঠাট্টা-মশ্‌কারী গুরিয়্যেগুনে শেজ্ ওই যেবাক্, আর যিগুনে ভান্ন্যেই কাম্ গুরিবার্ চান্ তারারে ভস্ত গুরি ফেলা অবঅ।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 31:8

লগেপ্রভু কোইয়্যেদে, “মান্‌জ্যর নয় এমন্ এক্কান তলোয়ারত্ আসিরিয়া পুরিবো; সেই তলোয়ারানে তারে গিলিবো। তা মানুচ্চুনে তলোয়ার মুজুঙেত্তুন্ ধেই যেবাক্ আর তারার গাবুজ্যে পুয়োগুনোরে জোর্ গুরিনে খাদা অবঅ।

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিশাইয় 40:15

চঅ, জাদ্‌‌তুনে যেন কুমো ভিদিরে পানি ধোক্ক্যেন্ এক্কো ফুদো; পাল্লার ধূল্যেকণা ধোক্ক্যেন্ তারারে মনে গরা অয়। দূর্ দেজ মানুচ্চুনে তাইদু মিহি ধূ্ল্যে ধোক্ক্যেন পাদল্।

যিশাইয় 41:11

যিগুনে তঅ উগুরে রাগ্ গরন তারা বেক্কুনে ঘেচ্চেক্‌গুরি লাজত্ পড়ন্ আর অসর্মান অবাক্। যিগুনে তঅ বিরুদ্ধে যান তারার্ কনঅ চিহ্নো ন-থেবঅ; তারা ভস্ত ওই যেবাক্।

যিশাইয় 41:15

চঅ, মুই তরে নুয়ো, ধারেয়্যে দাত্‌বলা শোজ্য মারিবার মিশিন বানেম। তুই মুড়ো-মুড়ি মাড়িনে সিগুনোরে চুর্‌‌মার্ গুরিবে, আর চিগোন মুড়োগুনোরে তুষো ধোক্ক্যেন গুরিম।

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিশাইয় 48:3

লগেপ্রভু কোইয়্যেদে, যিয়েন ওই যেইয়্যে সিয়েন মুই ভালোক্ দিন আগেদি কোইয়োং; মুই সিয়েন জানেয়োং আর মঅ মুয়োনে সিয়েনি ফগদাং গোজ্যে। সে পরেদি মুই আদিক্ক্যেন্‌গুরি সিয়েন গুরিলুং আর সিয়েনি অলঅ,

আমোষ 5:9

তে খেমতাবলাগুনো উগুরে আর তারা ঘরানি উগুরে আদিক্ক্যেগুরি সর্বনাশ আনিনে ভস্ত গুরি দে।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।