যিশাইয় 29:10 - Chakma Bible

¹⁰ কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 29:10 Iomraidhean Croise

গীতসংহিতা 69:23

তারার চোগ্‌কুন কান্ ওক যেনে তারা ন-দেগন্, আর নিত্য তারার কমরুনোত্ গির্‌গিরেনি ধোরোক্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 30:10

তারা রিনি চেইয়্যেগুনোরে কন্দে, “তুমি আর দর্শন ন-চেয়ো,” আর ভাববাদীগুনোরে কন্দে, “যিয়েন সত্য সিয়েন আমারে আর্ ন-কোয়ো। আমা ইদু গম্ হবরর্ কধা কঅ; যিয়েন সত্য নয় এবাবোত্যে বেক্ বেপারানির আগাম্ কধা কঅ।

যিশাইয় 43:27

তর্ আগ বাব্‌পো পাপ গোজ্যে; তর্ তপ্পে যিগুনে কধা কোইয়োন তারা মঅ বিরুদ্ধে পাপ গোজ্যন্।‌‌‍‍

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিরমিয় 4:9

লগেপ্রভু কোইয়্যেদে, “সেদিন্যে রাজা দাঙর্ পদত্ কামগুরিয়্যেগুনে সাহস আরেবাক্, আর ধর্মগুরুগুনে আর ভাববাদীগুনে আমক্ অবাক্।”

আবিলেচ্ 4:14

সেনত্তে তারা কান্ মানুচ্চুনো ধোক্ক্যেন পধে পধে বিজিরে বিজিরে বেড়েয়োন্; তারা এদক্ লোলোই ফি-বলা ওইয়োন্ যে, কনজনে তারার্ কাবড়ানি ধুরিবাত্তে ন-চান।

যিহিষ্কেল 14:9

“‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

মীখা 3:1

মুই মীখা কঙর্, ও যাকোবর নেতাগুন, অত্তাৎ ইস্রায়েল বংশর শাজন্‌গুরিয়্যেগুন, তুমি শুনো। তমার্ কি ন্যায়বিচের পৌইদ্যেনে হবর্ পানা উজিত্ নয়?

মীখা 3:6

“তমাত্তে রেত্ এজের্, তুমি কনঅ দর্শন ন-পেবা; তমাত্তে আন্ধার্ এজের্, তুমি গোণেইনে কিচ্ছু কোই ন-পারিবা। তমাত্তে বেলান্ ডুবিবো আর দিনোত্ আন্ধার্ ওই যেবঅ।”

রোমীয় 11:8

পবিত্র বোইবোত্ লেগা আঘে, “গোজেনে তারার্ মনানি এমন্‌ অকেজো গুরিলো যে, তারা এজঅ সং তারার্ চোগ্‌কুন্দোই দেগিনেয়ো ন-দেগন্ আর কানানিলোই শুনিনেয়ো ন-শুনোন্।”

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

১ শমূয়েল 26:12

দায়ূদে সে পরেন্দি শৌলর মাদাবোর কায়-কুরেত্তুন্‌ তার সেল্‌লো আর পানির পিলেবো নেযেল। কনজনে সিবে ন-দেগিলাক্, হবর্‌ ন-পেলাক্, কনজনে নয়ো জাগিলাক্। তারা বেক্কুনে ঘুমোদন্‌, কিত্যে লগেপ্রভু তারারে এক্কো ঘুর্‌গুজ্যে ঘুমোত্‌ ফেলেইনে রাগেল।

১ শমূয়েল 9:9

পুরোণি দিনোত্‌ ইস্রায়েল দেজর্‌ কনঅ মানুচ্‌ যুনি গোজেন ইত্তুন্‌ কনঅ পৌইদ্যেনে জানিবাত্তে চেদঅ সালে তে যেবার আগেন্দি কদঅ, “আদঅ, আমি ভাববাদীবো ইদু যেই।” ইক্কিনে যিবেরে ভাববাদী কুয়ো অদঅ পুরোণি দিনোত্‌ তারে কুয়ো অদঅ দর্শক।