যিশাইয় 29:1 - Chakma Bible

¹ হায়, অরীয়েল, অরীয়েল, দায়ূদোর থেবার জাগায়ানর শঅরান্! তুই বজরর্ পর্ বজর্ পার্ গুরি যর্ আরি তঅ পরব্‌পুন ঘুরি ঘুরি এত্তন্।

যিশাইয় 29:1 Iomraidhean Croise

২ শমূয়েল 5:9

ইয়েনর্ পরেন্দি দায়ূদে সে তাম্বুলানত্‌ বজত্তি গরা ধুরিলো অার সিয়েনর্ নাঙান্‌ দিলো দায়ূদ-শঅর। মিল্লোত্তুন্‌ আরাম্ভ গুরিনে সে তাম্বুলানর্‌ চেরোকিত্তে তে শঅর্‌ বানেয়্যে।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 29:9

তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 31:9

তারার্ রাজাবো দরে ধেই যেবঅ; তার সেনাপতিগুনে বাবতাগান্ দেগিনে অমকদ দোরেবাক্।” সিয়োনত্ যিবের আগুন আঘে, আর যিরূশালেমত্ আগেদে চুলো, সেই লগেপ্রভু এ কধাগান কোইয়্যে।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 7:21

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, তমা অন্য উৎসর্বগুনো সমারে তুমি পুজ্যে-উৎসর্বর অনুষ্ঠান গুরিনে সিয়েনর য়েরাগান্‌অ ন-খঅ কিত্তে?

হোশেয় 5:6

তারার্ ভেড়া আর গোরু পাল নিইনে লগেপ্রভু ইধু গেলে তারা তারে ন-পান্; তারাত্তুন্ তে নিজোরে সোরেই নেযেয়্যে।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:4

তারা লগেপ্রভুর নাঙে আংগুর-রসচোই পানীয়-উৎসর্ব ন-গুরিবাক্ আর তারার্ য়েমান-উৎসর্বগানিয়ো তারে হুজি ন-গুরিবাক্। সেবাবোত্যে উৎসর্ব তারা ইধু আবিলেচ্‌গুরিয়্যেগুনো হানা ধোক্ক্যেন অবঅ; যিগুনে সিয়েন হেবাক্ তারা বেক্কুনে অসিজি অবাক্। সে হানাগান তারার্ নিজোর পেট্‌পরা মারেবাত্তে অবঅ, সিয়েন লগেপ্রভুর ঘরত্ ন-এবঅ।

লেবীয় 23:4

লগেপ্রভুর্ যিদুক্কুন ঠিগ্ গোজ্যে পরব্‌, অত্তাৎ যিদুক্কুন্‌ পবিত্র মিলন-সভা তুমি সিগুনোর্‌ ঠিগগোজ্যে দিনোত্‌ ফগদাঙ্‌ গুরিবা সিগুন্‌ অল:

ইব্রীয় 10:1

রীদি-সুদোমত্ যিয়েনি আঘে সিয়েনি বানা ভবিচ্চদর্ ভালেদি পৌইদ্যেনে ছাবা ধোক্ক্যেন; সিয়েনিত্ ঘেচ্চ্যেকগুরি দাঙর্ বেপারানি নেই। সেনত্যে যিগুনে গোজেনর্ উবোসনা গুরিবাত্যে এজন্ রীদি-সুদোমত্ কনদিন্অ বজরর্ পর্ বজর্ এবাবোত্যে গুরি য়েমান উৎসর্বলোই তারার্ পরিপূরোণান্ দান গুরি ন-পারে।