যিশাইয় 28:22 - Chakma Bible

²² সেনত্তে ইক্কিনে তমার্ ঠাট্টা-মশ্‌কারীগানি থাম, সিয়েন ন-গুরিলে তমার্ বান্যেগানি আরঅ দরমর অবঅ; কিত্তে বেগত্তুন্ খেমতাবলা প্রভু লগেপ্রভুর্ মুয়োদি মুই পুরো দেজ্‌‌‌ছানত্তে ঠিগ গোজ্যে ভস্তর্ কধা শুন্যং।‌

যিশাইয় 28:22 Iomraidhean Croise

২ বংশধর 30:10

হবর্‌ বোইয়্যেগুনে ইফ্রয়িম আর মনঃশির বেক্‌ আদাম আর শঅরত্‌ আর সবূলূন সং গেলাক্, মাত্তর্‌ সিদুগোর্‌ মানুচ্চুনে তারারে ইংসে-নিন্দে গরা ধুরিলাক্‌।

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

গীতসংহিতা 107:16

তে পিদল গেট্ ভাঙি ফেলেয়্যে আর লুয়ো লাগাড়া ভাঙি ফেলেয়্যে।

যাত্রা 8:25

সেক্কে ফরৌণে মোশি আর হারোণরে ডাগি আনিনে কলঅ, “তুমি এ দেজ ভিদিরে কনঅ এক্কান জাগাত্‌ যেইনে তমা গোজেন নাঙে য়েমান্‌ উৎসর্ব গরঅ।”

গম্ উপদেজ্ 19:29

ঠাট্টা-মশ্‌কারি গুরিয়্যেগুনোত্তে সাজাগান্ যুক্কোল্ ওইয়্যে, আর বিবেচনা নেইয়্যে গুনোর পিঠ্‌তানিত্তে আগেদে চাবুক্।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 28:23

শুনো, মঅ কধানি শুনো; মুই যিয়েন কং সিয়েন মন দি শুনো।

যিরমিয় 15:17

যিগুনে রঅ ছাড়িনে মদ হান্ মুই কনদিন্‌অ তারা দলত্ ন-বজং, তারা লগে কনদিন্‌অ ফুত্তি ন-গরং; তঅ আঢ্‌তান মঅ উগুরে এলঅ বিলিনে মুই গায়গায় বুয়োই থেদুং আর তুই মরে রাগে ভর্‌‌‌পুনং গোজ্যস্।

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 36:23

যিহূদী সে বোইবো কিজু পড়ানার পরেদি রাজা লিগিয়্যেবোর ছুরিগান্দোই সে ভাগ্‌কান কাবিনে আগুনো পিলেবোত্ ফেলেই দিলো; এবাবোত্যেগুরি গোদা বোইবো আগুনোত্ পুড়ি দিয়্যে অলঅ।

যিরমিয় 39:7

সে পরেদি তে সিদিকিয়র চোগ্‌কুন্ তুলি ফেলেইনে তারে বাবিলোত্ নেযেবাত্তে পিদল শিগোল্লোই বানিলাক্।

আবিলেচ্ 1:14

মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

নহূম 1:9

ও নীনবী মানুচ্চুন, লগেপ্রভুর বিরুদ্ধে তুমি যে কুজুরোমী গুরিদা সাৎ সিয়েন তে বিফল গুরি দিবো; তুমি কাররে আর্ দুঘ্ দি ন-পারিবা।

মথি লেখ্যে গম্ হবর্ 27:39

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্,

মথি লেখ্যে গম্ হবর্ 27:44

একই সময়োত্ যে ডাগেদ্‌তুনোরে তা সমারে ক্রুশোত্ দিয়্যে ওইয়্যে তারায়ো যীশুরে অগমান্ গরা ধুরিলাক্।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

প্রেরিত্‌ 17:32

মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”