যিশাইয় 28:1 - Chakma Bible

¹ হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 28:1 Iomraidhean Croise

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ বংশধর 28:6

রমলিয়র পুয়ো পেকহে একদিনো ভিদিরে যিহূদাত্‌ এক লাখ্‌ কুড়ি আজার সৈন্যরে মারে ফেলেয়্যে, কিয়া যিহূদার মানুচ্চুনে তারার্‌ পূরোণি মানুচ্‌ গোজেন লগেপ্রভুরে ছাড়ি যেইয়োন।

গম্ উপদেজ্ 23:29

কন্না হায় হায় গরে? কন্না আবিলেচ্ গরে? কন্না কোল্-কোজ্যে গরে? কন্না বেশ্ কধা কয়? কন্না এনেবাদে আঘাত্ পায়? কা চোগ্‌কুন রাঙা অন্?

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 5:11

অভিশাব্ পোড়োক্ সে মানুচ্চুনোর্, যিগুনে মদ হেবাত্তে বেন্যে পোত্যে উদোন্ আর বোউত্ রেত্‌সম্বাগ সং বোইনে আংগুর-রস হান্, যেদক্কন্ সং সিয়েন হেইনে তারা গরম ওই ন-উদোন্।

যিশাইয় 5:22

অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

যিশাইয় 8:4

পুয়োবো ‘মা’ বা ‘বাবা’ কবার্ আগেদি দামেস্কর ধন-সোম্বোত্তিগানি আর শমরিয়ার লুদেয়্যে মালানি আসিরিয়ার রাজাবো নেযেব।”

যিশাইয় 9:11

মাত্তর্ লগেপ্রভু দঅ রৎসীনোর্ বিরুদ্ধে তা শত্রুগুনোরে দরমর গোজ্যে আর তা বিরুদ্ধে তারারে উত্তেজিত গোজ্যে।

যিশাইয় 9:8

যাকোব বিরুদ্ধে প্রভু এক্কান হবর্ পাদেয়্যে; সিয়েন ইস্রায়েল উগুরে ঘুদিবো।

যিশাইয় 9:9

ইফ্রয়িম আর শমরিয়ার বেক্ আদাম্মেগুনে সিয়েন হবর্ পেবাক্। তারা বাড়্‌‌বো গুরিনে আর মনেদি বাড়্‌বো গুরি কন্,

হোশেয় 4:11

বেভিচের্ আর নূয়ো, পুরোণ আংগুর-রসে মঅ মানুচ্চুনোর বুদ্ধিগানি বর্‌বাত গোজ্যন্।‌

হোশেয় 5:5

ইস্রায়েলর অহংকারানে তারা বিরুদ্ধে সাক্ষি দে; ইফ্রয়িম, এন্ কি, গোদা ইস্রায়েলে তারা পাপত্তে উজোত্ খার্ আর যিহূদায়ো তারা লগে উজোত্ খার্।

হোশেয় 5:9

সাজা দিবার দিনোত্ ইফ্রয়িম মানুচ্ নেইয়্যে ওইনে পড়ি থেবঅ। যিয়েন অবঅ ওক্ সিয়েন মুই ইস্রায়েলর গুট্টিগুনো ভিদিরে ফগদাং গরঙর্।

হোশেয় 6:10

ইস্রায়েল ভিদিরে মুই এক্কান জঘন্য বেপার দেখ্যং। সিয়েনত্ ইফ্রয়িমে বেভিচের্ গোজ্যে আর ইস্রায়েল অসিজি ওই যেইয়্যে।

হোশেয় 7:5

রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।

লেবীয় 26:19

মুই তমার্‌ বলর্‌ বাহাদুরি ভাঙি দিম। মুই তমার্‌ মাদা উগুরে আগাচ্চান্‌ লুয়ো ধোক্ক্যেন আর টেঙর্‌ তলে মাটিগান্‌ পিদল ধোক্ক্যেন দরঅ গুরি দিম।

আমোষ 2:12

মাত্তর্ তুমি সেই নাসরীয়গুনোরে আংগুর-রস হাবেইয়ো আর ভাববাদী ইজেবে কধা ন-কবাত্তে ভাববাদিগুনোরে উগুম দুয়ো।

আমোষ 2:8

তারা পত্তি পূজো ইধু বন্ধক নেযেয়্যে পোজাগ উগুরে ঘুম যান। তারার্ উবোসনা-ঘরত্ তারা জরিমানার টেঙালোই কিন্যে আংগুর-রস হান্।

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 6:1

অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

আমোষ 6:4

তুমি এ্যদো দাদর্ কাম গোজ্যে খাদত্ ঘুম যঅ আর তমা বিচ্ছোনত্ আল্‌‌সি গুরিনে কিয়্যেগান টানঅ। তমা পালত্তুন্ তুমি বেঈ লোইয়্যে ভেড়া ছঅ আর গোরু ছর্ য়েরা খঅ।

আমোষ 6:6

তুমি কদরা ভুরিনে আংগুর-রস খঅ আর বেগত্তুন্ গম্ তুম্বাজ্ তেল কিয়্যেত্ মাজঅ, মাত্তর্ তুমি যোষেফর্, অত্তাৎ ইস্রায়েলর ভস্ত অনাত্তে দুঘ্ ন-পেয়ো।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”