যিশাইয় 27:9 - Chakma Bible

⁹ ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিশাইয় 27:9 Iomraidhean Croise

২ রাজাবলী 10:26

বাল দেবেদার মন্দিরত্তুন্‌ পূজোর্ পাত্তরুন্‌ তারা নিগিলেই আনিনে পড়িলাক্‌।

২ রাজাবলী 23:14

যোশিয় পূজোর্ পাত্তরুন্‌ ভাঙি ফেলেল আর আশেরা-খুদোগুন্‌অ কাবি ফেলেল আর সে জাগায়ানি মান্‌জ্য আড়গোড়ালোই ঢাগি দিলো।

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

২ বংশধর 14:5

তে যিহূদা দেজর্‌ পত্তি আদাম আর শঅরর্‌ পূজোর্‌ অজল্‌ জাগায়ানি আর আগর্‌বাট্টি-ঢালিঘরানি ভস্ত গুরিলো। তা অধীনোত্‌ রেজ্যত্‌ সুগ-শান্দি এলঅ।

২ বংশধর 34:4

তা মুজুঙোত্‌ বাল দেবেদার পূজোগুন্‌ ভাঙি ফেলা অলঅ; সিগুনো উগুরে যিদুক্কুন্‌ আগর্‌বাট্টি ঠগ্‌ এলাক্‌ সিগুনোরে কাবিনে কট্টা কট্টা গরা অলঅ আর আশেরা-খুদোগুন, কাবিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ ভাঙিনে ধূল্যে ধোক্ক্যেন গরা অলঅ। যিগুনে সিগুনো ইদু এ্যামান্ ডালি দিদাক্‌ তারা গোর্‌য়ানি উগুরে সে ধূল্যানি ছিদি দিয়্যে অলঅ।

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

গীতসংহিতা 119:67

দুঘ্ পেবার আগেন্দি মুই ভান্ন্যেই পধেদি এলুং, মাত্তর্ ইক্কিনে মুই তঅ কধার বাধ্য ওইয়োং।

গীতসংহিতা 119:71

মুই যে দুঘ্ পেয়োং সিয়েন মত্তে গম ওইয়্যে; সেনত্তে মুই তর্ সুদোমানি শিগি পারঙর্।

যাত্রা 34:13

তুমি তারার্‌ ডালিপূজোগুন্‌ ভাঙি ফেলেবা, তারার্‌ পূজোর্‌ পাত্তরুন্‌ কট্টা কট্টা গুরি ফেলেবা আর তারার্‌ পূজোর্‌ আশেরা-খুদোগুন্‌ কাবি ফেলেবা।

গম্ উপদেজ্ 20:30

অমকদ মের্ হেলে ভান্ন্যেয়ানি যায়, আর মনত্ দুঘ্ পেলে মনর্ গভীন্ জাগায়ানি সাংসাঙে ওই যায়।

যিশাইয় 1:29

“অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিশাইয় 17:8

তারা নিজো আঢে বানেয়্যে ডালি পূজোবো ইন্দি রিনি ন-চেবাক্, আর তারার আঢে বানেয়্যে আশেরা-খুদি আর আগর্‌বাট্টি-পূজো উগুরে কনঅ মনযোগ্‌অ ন-দিবাক্।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 4:4

প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্‌কানি দূর্ গুরি দিবো।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 48:10

চঅ, মুই তমারে আগুনোত্ ফেলেয়োং, মাত্তর্ তুমি রূবো ধোক্ক্যেন আজল্ ওইনে ন-নিগিলো; দুঘোর্ চুলোত্ মুই তমারে যগা চেইয়োং।

যিহিষ্কেল 11:18

“তারা সিদু ফিরি যেইনে বেক্ বাজে মূত্তি আর জঘন্য মূত্তিগুন দূর্ গুরি দিবাক্।

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 6:4

তমা ডালিপূজো বেক্কুন ভস্ত গরা অবঅ আর তমা আগর্‌বাট্টি ডালিপূজোগুন ভাঙি ফেলা অবঅ। তমা মূত্তিগুন মুজুঙোত্ তমা মানুচ্চুনোরে মুই মারে ফেলেম।

দানিয়েল 11:35

যিগুনোর বুঝিবার খেমতা আঘে তারা ভিদিরে কারর্ কারর্ পতন অবঅ। ইয়েনর কারনে শেজ্ সময় ন-এযানা সং গোজেনর মানুচ্চুনোরে খাটি, শুদ্ধো আর থুদো নেইয়্যে গরা অবঅ; আর সেই শেজ্ সময়ান ঠিগ্ গরা আঘে।

হোশেয় 14:8

ও ইফ্রয়িম, মূত্তিগুন লগে তর্ আর কনঅ সম্পর্ক নেই। মুয়ই তর্ তবনার্ জোব্‌‌‌‌‌পান দিম আর তর্ যত্তন্ নেযেম। মুয়ই তেল্‌‌‌‌‌তেল্যে বেরস গাজ ধোক্ক্যেন; তর্ ফলুন মত্তুন্ এজে।”

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

মীখা 5:11

তঅ দেজর্ শঅরানি মুই ভস্ত গুরি দিম আর তর্ বেক তাম্বুলানি ভাঙি দিম।

রোমীয় 11:27

মুই যেক্কে তারার্ পাপ্‌‌পানি দূর্ গুরিম সেক্কে ইয়েনই অবঅ তারাত্তে মর্ বর্ পেইয়্যে বেবস্থা।

১ করিন্হীয় 11:32

মাত্তর্ আমা বিচেরান যেক্কে প্রভু গরে সেক্কে তে আমারে শাসন গরে, যাতে জগদর্ বেক্কুনো সমারে আমারে দুষি বিলিনে থির্ গরা ন-অয়।

দ্বি’লম্বর বিররণ 12:3

তারার্ ডালিপূজোগুন ভাঙি দিবা, পূজোর পাত্তরুন কট্টা কট্টা গুরি দিবা, পূজোর আশেরা খুঁদোগুন পুড়ি ফেলেই দিবা, দেব-দেবীর মূত্তিগুন ভাঙি ফেলেই দিবা আর ইঙিরিনে সে বেক্‌ জাগানিত্তুন্‌ তারার্‌ দেব-দেবেদাগুনোর নাঙানি পুঝি ফেলেবা।

ইব্রীয় 12:6

কিয়া প্রভু যিবেরে কোচ্‌পায় তারে শাসন গরে, আর পুয়ো ইজেবে যিগুনোরে মানি লয়, তারারে পত্তিজনরে তে সাজা দে।