যিশাইয় 27:3 - Chakma Bible

³ মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

যিশাইয় 27:3 Iomraidhean Croise

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

১ রাজাবলী 8:59

মুই যেদক্কানি কধা কোইনে লগেপ্রভু ইদু তবনা গোজ্যং সিয়েনি দিন্‌-রেত্‌ আমা গোজেন লগেপ্রভুর মনত্‌ থোক্‌ যেনে তে তার্‌ চাগর্‌বোরে আর তা মানুচ্‌ ইস্রায়েলীয়গুনোরে পত্তিদিনোর দরকার মজিম বেবস্থা গরে।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

যিশাইয় 31:5

পেখ্‌কুনে যেধোক্ক্যেন বাহ্‌বো উগুরে উড়োন্, বেগত্তুন্ খেমতাবলা লগেপ্রভু সেধোক্ক্যেন গুরি যিরূশালেমানরে ঢাগি রাগেব। তে তারে ঢাগি রাগেব আর উদ্ধোর্ গুরিবো, আর তা উগুরেদি যেইনে তারে রোক্ষ্যে গুরিবো‍‍।”

যিশাইয় 42:6

মুই লগেপ্রভু তরে গমেডালে ডাক্যং; মুই তঅ আঢ্‌‌‍‍তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্‌তুনোত্তে পহ্‌‌‍‍‌‍‍‌‌‍‍র ধোক্ক্যেন গুরিম।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিহিষ্কেল 34:11

মুই প্রভু লগেপ্রভু কঙর্, মুই নিজেই মর্ ভেড়াগুনোরে তোগেম্ আর তারার্ দেগাশুনো গুরিম।

যিহিষ্কেল 34:24

মুই লগেপ্রভু তারার্ গোজেন ওম্ আর মর্ চাগর্ দায়ূদে তারার্ নেতা অবঅ। মুই লগেপ্রভু এ কধাগান কঙর্।

যিহিষ্কেল 37:14

মঅ আত্মাগান মুই তমা ভিদিরে দিম্ আর তুমি জেদা অবা। তমা নিজো দেজত্ মুই তমারে বজত্তি গোরেম্। সেক্কে তুমি হবর্ পেবাদে যে, মুই লগেপ্রভু এ কধাগান কোইয়োং আর সিয়েন গোজ্যং।’”

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।