যিশাইয় 27:12 - Chakma Bible

¹² ও ইস্রায়েলীয়গুন্, সেদিন্যে বেঈ যেইয়্যে ইউফ্রেটিসত্তুন্ মিসরর্ শুগুনো গাঙান সং শোজ্য মারেদে ধোক্ক্যেন্ গুরি লগেপ্রভু তমারে মাড়িবো, আর এক এক গুরিনে তমারে এগত্তর্ গুরিবো।

যিশাইয় 27:12 Iomraidhean Croise

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

গীতসংহিতা 68:22

প্রভু কোইয়্যেদে, “মুই বাশন দেজত্তুন্ তারারে আনিম; দোজ্যে সাগরর তলাত্তুন্ তারারে তুলি আনিম,

গীতসংহিতা 72:8

তা রেজ্যগানর দুযিগান্ সাগরত্তুন সাগর সং, ইউফ্রটিস্ গাঙত্তুন্ পিত্‌থিমীর শেজ্ দুযি সং ওক্।

যিশাইয় 17:6

তো কিজু শোজ্য পোজ্যে থেবঅ। যেবাবোত্যেগুরি জলপাই গাজ্‌চুন ঝাড়ানার্ পরেদি উগুরে ডেলাগুনোত্ দ্বিবে তিন্নো জলপাই থান্ আর যে ডেলাবোত্ বেশ্ গুরি গুলোগুলি ধরন সিয়োত্ চের্‌‍‍বো পাচ্চো গুলো থেই যান্, তারার্ অবস্থায়ো সেধোক্ক্যেন অবঅ।” ইস্রায়েলর গোজেন লগেপ্রভু এ কধাগান কোইয়্যে।

যিশাইয় 49:5

লগেপ্রভু তা চাগর্ অবাত্তে মরে পেদ ভিদিরে বানেয়্যে যেনে মুই যাকোবরে তাইদু ফিরেই নেযে পারং আর ইস্রায়েলরে তাইদু আনি পারং। মুই লগেপ্রভুর চোগেদি সর্মানিত আর মর্ গোজেনে মর্ বল্।

যিশাইয় 56:8

প্রভু লগেপ্রভু, যিবে বিদেজত্ ছিদি পড়ি থেইয়্যে ইস্রায়েলীয়গুনোরে এগত্তর্ গরে তে এ কধাগান ফগদাং গরেত্তে, “যিগুনোরে আগে এগত্তর্ গরা ওইয়্যে তারা সমারে অন্য জাদ মানুচ্চুনোরেয়ো মুই এগত্তর্ গুরিম।”

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 44:28

যিগুনে যুদ্ধোর্ আঢত্তুন্ রেহাই পেইনে মিসরত্তুন্ যিহূদা দেজত্ ফিরি এবাক্ তারা জনেদি অবাক্ খুবই কম। সে পরেদি যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে এচ্চ্যন্ তারা হবর্ পেবাক্ কা কধা ঠিগ্ থেবঅ-মর্ না-তারার।

যিহিষ্কেল 20:34

মর্ খেমতাবলা আঢ্‌‌‌তানি বাবেইনে রাগে নানান্ জাদ ভিদিরেত্তুন্ মুই তমারে আনিম আর যেদক্কানি দেজত্ তমারে ছিদি দিয়্যে ওইয়্যে সিয়েনিত্তুন্ তমারে এগত্তর্ গুরিম।

যিহিষ্কেল 20:41

মুই যেক্কে জাদ্‌‌‌‌‌তুনো ভিদিরেত্তুন তমারে নিগিলেই আনিম আর যেদক্কানি দেজত্ ছিদি পোজ্যন সিয়েনিত্তুন্ এগত্তর্ গুরিম সেক্কে তুম্বাজ্ আগর্‌বাট্টি ধোক্ক্যেন মুই তমারে গুজি লোম। সেক্কে তমা মাধ্যমে জাদ্‌‌‌‌‌তুনে বুঝি পারিবাক্ যে, মুই সুদ্ধো-সাংগ।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

যিহিষ্কেল 47:19

দোগিণেদি দুযিগান ধূল্যে-সাগরর্ তামরত্তুন্ কাদেশর্ মরীবৎ পানিগান সং যেইনে মিসরর্ শুগুনো গাঙ সং ভূমধ্য সাগর সং যেবঅ। ইয়েনই অবঅ দোগিণেদি দুযিগান।

আমোষ 9:9

মুই উগুম দিম, আর চালোনত্ যেবাবোত্যেগুরি শোজ্য ঝারন্ সেবাবোত্যেগুরি বেক্ জাদ ভিদিরে মুই ইস্রায়েলর বংশবোরে ঝারিম, মাত্তর্ বিজিও মাদিত্ ন-পড়িবাক্।

সখরিয় 8:7

মুই আরঅ কঙর্, পূগেদি আর পোজিমেত্তুন্ মুই মঅ মানুচ্চুনোরে উদ্ধোর্ গুরিম।

লূকে লেখ্যে গম্ হবর্ 15:4

মনে গর্ তর্ একশত্ ভেড়া আঘন্ সিত্তুন্ এক্কো আঝি গেলঅ, তুই কি মনে গরচ্? তর্ আর নিরেনব্বইবো মাধত্ ইরি দিইনে সেই এক্কোরে তোগেইনে ন-পানা সং সিবেরে ন-তগাচ্?

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যিহোশূয় 15:4

সিয়োত্তুন্‌ অস্‌মোন সং যেইনে মিসর নাঙে যে শুগুনো গাঙান্‌ আঘে সিয়েন সমারে এগত্তর্ ওইনে ভূমধ্য সাগরত্‌ যেইনে থুম্‌ অলঅ। ইয়েনই অলঅ তমার্‌ দোগিণোর্‌ দুযি।