Biblia Todo Logo
Bìoball air-loidhne

- Sanasan -




যিশাইয় 27:1 - Chakma Bible

1 সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

Faic an caibideil Dèan lethbhreac




যিশাইয় 27:1
30 Iomraidhean Croise  

তা নিজেস্‌‌ছোই আগাজ্‌‌ছান ফোক্‌‌পোক্যা অয়; তা আঢ্‌তা‌নে ধেই যেইয়্যে সাপ্পোরে সেল্ মারে।


যিগুনে দিনুন্‌ বজং অবাত্তে মন্ত্র কন্‌ আর লিবিয়াথনরে জাগেই পারন্‌ তারা সেই দিন্নোরে অভিশাব দেদোক্‌।


গোজেনে সৃট্টিগুরিয়্যেগুনো ভিদিরে তা জাগায়ান এক লম্বরত্; বানা তার্ গোজেনে তারে মারে ফেলেই পারে।


তুই কি বুজ্জিলোই গাধেনে লিবিয়াথনরে টানি আনি পারচ্, বা দুড়িলোই তা জিলান্ বানি পারচ্?


সিয়েন উগুরে জাহাজ চলের্, সিয়েনত্ লিবিয়াথনেয়ো আঘে; তারে তুই সাগরত্ খারা হবাত্তে বানেয়োচ্।


ও বীর, তঅ কমরত্ লাম্বা ছুড়িগান বানি নেযা; বাঈনী আর মহিমার সাজে তুই সাজি নেযা।


চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌


ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?


মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”


হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”


লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।


তুমি ইয়েন কোইনে কানি উদো, ‘ও লগেপ্রভুর তলোয়ারান, আর কয়দিন পরে তুই জিরেবে? তঅ খাপত্ তুই ফিরি যাহ্; থামা, অলর্ অ।’


ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।


যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”


প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।


তারা কর্মিল মুড়োবো মাঢাত্ নিজোরে লুগেলেয়ো সিত্তুন্ মুই তারারে তোগেইনে ধুরিম। তারা মত্তুন্ সাগর তলাত্ লুগেলেয়ো সিদু তারারে কামেড়েবাত্তে মুই সাপ্‌‌‌পোরে উগুম দিম।


সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।


ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।


দানপ্পো সেই য়েমান্নোরে খেমতা দিয়্যে বিলিনে মানুচ্চুনে সেই দানপ্পোরে গোজেনর্ সর্মান দিইনে সালাম গুরিলাক্, আর য়েমান্নোরেয়ো সেই এক্কুই ধগে সালাম গুরিনে কলাক্, “এই য়েমান্নো ধোক্ক্যেন কন্না আঘে? আর কন্না বা তা সমারে যুদ্ধো গুরি পারে?”


সেক্কে মুই বেঙ ধোক্ক্যেন তিন্নো ভান্ন্যেই আত্মা দেগিলুং। সিগুন সেই দানব, সেই য়েমান্নো আর সেই ফক্কর ভাববাদীবো মুয়োত্তুন্ নিগিলি এত্তন্।


যে সাতজন স্বর্গদূতো আঢত্ সাত্‌টো কদরা এলাক্ তারাত্তুন্ একজনে এইনে মরে কলঅ, “বজমান পানি উগুরে যে দাঙর্ বেশ্যেবো বৈ আঘে, আয়, মুই তার সাজা তরে দেগাং।


সে পরেদি সেই স্বর্গদূত্‌তো মরে কলঅ, “তুই যে পানিগান দেখ্যচ্, যিবে উগুরে সেই বেশ্যেবো বৈ আঘে, সিয়েনি অলঅ ভালোক্কানি দেশ্, ভালোক্কুন মানুচ্‌, ভালোক্কুন জাত্ আর ভালোক্কানি ভাষা।


যিবে সেই ধুব্ ঘোড়াবো উগুরে বৈ এলঅ তা মুয়োত্তুন্ যে ছুরিগান নিগিলি এচ্চ্যে সিয়েন্দোই তারার্ অন্য বেক্‌ সমাজ্জ্যেগুনোরে মারে ফেলা অলঅ। সিয়েনর্ কারনে পেগ্‌‌‌কুনে পেট ভরে সং তারার্ য়েরানি খেলাক্।


সেনত্যে এ অবস্থাত্তুন্ মনান্ ফিরা। যুনি মনান্ ন-ফিরেচ্ সালে মুই সবরে তইধু এইম্ আর মঅ মুয়ো ছুরিগান্দোই তারা বিরুদ্ধে যুদ্ধো গুরিম।


তে সেই দানপ্পোরে, অত্তাৎ সেই পুরোণি সাপ্‌পোরে যিবেরে দিয়াবল আর শদান্ কুয়ো অয় তারে ধুরিনে এক আজার বজরত্যে বানিলো আর সেই সুরুঙো গাঢ্‌তোদ্ ফেলেই দিলো। পরেদি তে সিয়েনত্ তালা দিইনে তা উগুরে সীলমহ্‌র্ গুরিলো, যেনে এই এক আজার বজর্ থুম ন-অনা সং পিত্‌থিমীর জাদ্‌তুনোরে আর সেই ভুল পধেদি নেযেই ন-পারে; সে পরেদি কিজু দিনোত্যে তারে অবুচ্চ্যই ইরি দিয়্যে অবঅ।


Lean sinn:

Sanasan


Sanasan