যিশাইয় 26:8 - Chakma Bible

⁸ অয়, লগেপ্রভু, আমি তর্ ন্যায় পধেদি আঢিনে তত্তে বাজ্জেই আগিই; আমি চেই যেন তুই তঅ কামর্ মাধ্যমে ফগদং অ।

যিশাইয় 26:8 Iomraidhean Croise

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গীতসংহিতা 130:5

মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

গীতসংহিতা 18:23

তা মুজুঙোত্ মুই নিদ্দুযি এলুং; মুই পাপত্তুন দূরোত্ থেইয়োং।

গীতসংহিতা 42:2

গোজেনত্তে, জেদা গোজেনত্তেই মর্ পরাণানত্ তিরেচ্ লাগের্; কক্কেনে মুই যেইনে তা মুজুঙোত্ থিয়্যেই পারিম্?

গীতসংহিতা 65:6

তর্ খেমতালোই বেক মুড়ো-মুড়িগুন থিয়্যেই আগন্; ইয়েন্দোই ফগদাং অয় তুই খেমতাবলা।

গীতসংহিতা 73:25

স্বর্গত তুয়ই মর্; তরে পেইনে পিত্‌থিমীত্‌অ মর্ চেবার আর কিচ্চু নেই।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

পরমগীত 5:8

ও যিরূশালের্ মিলেগুন্, মুই তমারে কোজোলি গরঙর্, যুনি তুমি মঅ পরাণ্যেরে দেগঅ সালে তারে কোই দুয়ো, মুই প্রেমত্ পোজ্যং।

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 24:15

সেনত্তে পুগেদি মানুচ্চুনে লগেপ্রভুরে বাঈনী গোরোদোক্ আর দূর দেজর মানুচ্চুনে ইস্রায়েলর গোজেন লগেপ্রভুরে নাঙ্ গিনোদোক্।

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 26:13

ও লগেপ্রভু, আমা গোজেন্, তুই বাদে অন্য প্রভুগুনেয়ো আমা উগুরে সদ্দার্ ওইয়োন্, মাত্তর্ বানা তরে আমি স্বিগের্ গুরিই।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 51:4

ও মর্ মানুচ্চুন্, মঅ কধাগান শুনো, মঅ কধানি কান্ পাদঅ। মঅ ভিদিরেত্তুন্ উগুম এবঅ; মুই মর্ ন্যায়বিচেরান থিদেবর্ গুরিম যেনে অন্য জাদ্‌তুনে পহর্ পান।‌

যিশাইয় 56:1

লগেপ্রভু কত্তে, “তুমি ন্যায়বিচের্ রোক্ষ্যে গরঅ আর দোল্ কাম গরঅ, কিত্তে মর্ দিয়্যে উদ্ধোরান্ কায়-কুরে এচ্চ্যে আর কেধোক্ক্যেন গুরি তুমি মর্ মানি লোইয়্যে ওই পার সিয়েনর্ উপায়ান যাদিমাদি ফগদাং অবঅ।

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

গণাণা 36:13

যিরীহোর উই কিত্তেন্দি যর্দন গাঙর্‌ পারত্‌ মোয়াবর সংজাগানত্‌ লগেপ্রভু মোশির্‌ মাধ্যমে ইস্রায়েলীয়গুনোরে এই বেক্‌ উগুমানি আর সুদোমানি দিলো।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

প্রেরিত্‌ 1:4

সেক্কে এক দিনোত্ যীশু যেক্কে শিচ্চ্যগুনো সমারে এলঅ সেক্কে তারারে এ উগুমান দিয়্যে “তুমি যিরূশালেমান ফেলেই ন-যেইয়ো, মাত্তর্ মঅ বাপ্পোর্ এগেম্ গোজ্যে যে দানর্ কধা তুমি মত্তুন্ শুন্ন্য সিয়েনত্যে বাজ্জেই থাগঅ।

রোমীয় 8:25

মাত্তর্ যিয়েন পাহ্ ন-অয় সিয়েনত্যে যুনি আমার্ আজা থায় সালে সিয়েনত্যে আমি ধৈয্য ধুরিনে বাজ্জেই থেই।

২ থিষলনীকীয় 3:5

প্রভু যেন তমার মনানি গোজেনর্ কোচ্‌পানার পধেদি আর খ্রীষ্টর্ ধৈজ্জ্যর্ পধেদি চালেই নেযায়।