যিশাইয় 26:6 - Chakma Bible

⁶ অত্যেচার্ ওইয়্যে আর নাঢা মানুচ্চুনে সিয়েনি টেঙোই মাড়ন্।

যিশাইয় 26:6 Iomraidhean Croise

২ রাজাবলী 9:33

যেহূ কলঅ, “তারে তলেন্দি ফেলেই দুয়ো।” সেক্কে তারা ঈষেবলরে তলেন্দি ফেলেই দিলাক্‌ আর যেহূর রথ্‌তান ঘোড়াগুনে তারে টেঙন্দি উরিলাক্‌। সেক্কে তা লো-গান্‌ ছিদি পুরিনে দেবালত্‌ আর ঘোড়াগুনো ইদু বাঁজিলো।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 28:3

ইফ্রয়িমর মাত্তলে ধোজ্যে সেই বাড়্‌বো গোজ্যে মুকুট টেঙোই উরো অবঅ।

যিশাইয় 29:19

নম্র মানুচ্চুনে আরঅ লগেপ্রভুরে দেগিনে হুজি অবাক্, আর যিগুনে অমকদ নাঢা তারা ইস্রায়েলর সেই পবিত্র মানুচ্চোরে নিইনে ফুত্তি গুরিবাক্।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 3:15

তুমি কিত্তে মঅ মানুচ্চুনোরে শেজ্ গোজ্য আর নাঢা মানুচ্চুনোরে মারে ফেল্য?” এ কধাগান্ বেগত্তুন্ খেমতাবলা প্রভু লগেপ্রভু কোইয়্যে।

যিশাইয় 37:25

বিদেজর্ মাঢিত্ কূয়ো খুজ্জোজ্ আর সিদুগোর পানি হেইয়োচ্, আর তঅ টেঙানিলোই মিসরর বেক্ গাঙানি শুগেই ফেলেয়োচ্।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিরমিয় 50:45

সেনত্তে বাবিল বিরুদ্ধে লগেপ্রভু কি পরিকল্পনা গোজ্যে, বাবিলীয়গুনো বিরুদ্ধে তে কি ঠিগ্ গোজ্যে সিয়েন শুনো-পাল ছঅগুনোরে টানি নেযা অবঅ; তারার কামানিত্তে তারার চোড়েয়্যে ভূইয়ানি তে এক্কুবারে ভস্ত গুরি দিবো।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

১ করিন্হীয় 1:26

ভেইলগ্, তমারে যেক্কে ডাগা ওইয়্যে সেক্কে তুমি কিবাবোত্যে মানুচ্‌ এলা সে কধাগান ভাবি চঅ। মান্‌জ্যর্ বিচেরত্ তমা ভিদিরে ভালোক্ জনে যে জ্ঞানী বা খেমতাবলা বা উচ্চ বংশর্ সিয়েন নয়।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

যিহোশূয় 10:24

তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।

ফগদাং পেইয়্যে 2:26

বাবে যেধোক্ক্যেন গুরি মরে বেক্‌ জাদ্‌‌তুনো উগুরে খেমতাগিরি গুরিবাত্যে দিয়্যে, সেধোক্ক্যেন গুরি যে জিদিবো আর মুই যিয়েন চাং সিয়েন থুম্ সং গরানাত্ থেবঅ তারেয়ো মুই সেই খেমতাগিরি গুরিবাত্যে দিম। তে লুয়োর্ লুদিক্কোই তারারে শাসন গুরিবো আর মাদির্ পিলে ধোক্ক্যেন তারারে চুরমার গুরি ফেলেব।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।