যিশাইয় 26:4 - Chakma Bible

⁴ তুমি উমরত্তে লগেপ্রভু উগুরে বিশ্বেজ্ গরঅ, কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।

যিশাইয় 26:4 Iomraidhean Croise

২ বংশধর 20:20

তার্‌ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্‌। তারা যেবার্‌ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্‌ গোজেন লগেপ্রভু উগুরে বিশ্বেজ্‌ গরঅ, সালে তুমি ঠিগ্‌ থেই পারিবা। তা ভাববদীগুনো উগুরে বিশ্বেজ্‌ রাগ, সেক্কে তুমি ফোলেবা।”

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

ইয়োব 9:19

ইয়েন্‌ যুনি বল্ বেপার্‌ অয় সালে তে দঅ খেমতাবলা; যুনি বিচেরর্‌ বেপার অয় সালে কন্না তা বিরুদ্ধে সময়ান্‌ ঠিগ্‌ গুরি দিবো?

গীতসংহিতা 125:1

যিগুনে লগেপ্রভু উগুরে বিশ্বেজ্ গরন তারা সিয়োন মুড়োবো ধোক্ক্যেন দরমর আর উমরত্তে থিদেবর্।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

গীতসংহিতা 62:11

বেক্ বলান গোজেনর আঢত্- এ কধাগান তে ভালোক্‌বার কোইয়্যে, আর মুইয়ো সিয়েন ভালোক্‌বার শুন্যং।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 62:9

সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

গীতসংহিতা 66:7

তার বল্‌লোই তে জিংকানিবর রাজাগিরি গরে; তা চোখ্‌কুন বেক্ জাদ্‌তুনো উগুরে আঘে। যিগুনে গোজেন উগুরে উল্লোমী তারা নিজোরে দাঙর্ মনে ন-গোরোক্।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 30:29

সুদ্ধো-সাংগ পরব্ পালানা রেদো ধোক্ক্যেন্ তুমি গান গেবা। মান্‌জ্যে যেক্কে বাশিলোই লগেপ্রভুর্ মুড়োবো উগুরে উদিনে ইস্রায়েলর আশ্রয়-মুড়োবো ইদু এজন্ সেক্কে যেবাবোত্যে হুজি অন্ সেবাবোত্যেগুরি তমার্ মনানিয়ো হুজি অবঅ।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।