যিশাইয় 26:16 - Chakma Bible

¹⁶ ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিশাইয় 26:16 Iomraidhean Croise

গীতসংহিতা 142:2

মঅ দুঘোর্ কধানি মুই তা মুজুঙোত্ কঙর্, মঅ কষ্টর্ কধানি তা মুজুঙোত্ কঙর্।

গীতসংহিতা 27:8

মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 77:3

মুই যেক্কেনে গোজেন কধা ইদোত্ তুলিদুং সেক্কে দুঘে ফোবেদুং; চিদে গত্তে গত্তে মুই আজা আরাং।

গীতসংহিতা 78:34

তে তারারে মারে ফেলানার পরেন্দি বাদ্‌বাগি মানুচ্চুনে তা কধা ইদোত্ তুলিলাক্; তারা আরঅ তান্দি ফিরিনে আওজ্ গুরিনে তারারে ডাগিলো।

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

যিশাইয় 37:3

তারা যিশাইয়রে কলাক্, “হিষ্কিয় কোইয়্যেদে, এচ্চ্যে দিন্নো অলঅ দুঘোর্, সাজা পেবার আর অসর্মানর দিন। আমা অবস্থা এধোক্ক্যেন ওইয়্যে যেন পুয়ো-ছাগুনে জর্ম অবার মুয়োনত্ এচ্চ্যন্ মাত্তর্ জর্ম দিবার খেমতা নেই।

যিরমিয় 2:27

তারা তক্তারে কন্, ‘তুই মর্ বাপ্,’ আর পাত্তর্‌বোরে কন্, ‘তুই মর্ মা।’ তারা মঅ মোক্ক্যে ন-ফিরোন, তারা পিঠ্‌‍‍ দুয়োন; তো দযা এলে তারা কন্দে, ‘তুই আয়, আমারে উদ্ধোর গর্।’ ‌

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 29:12

সেক্কে তুমি মরে ডাগিবা আর মইধু এইনে তবনা গুরিবা, আর মুই তমা কধানি শুনিম।

আবিলেচ্ 2:19

উদ্, রেদোর্ বেন্যে পোত্যে কানি উদ্; লগেপ্রভুর মুজুঙোত্ পানি ধোক্ক্যেন গুরি ঢালি দে তঅ মনান্। তর্ ঝি-পুয়োগুনে যিগুনে পেট্‌পরায় পধে পধে অজ্ঞান ওইয়োন্, তারার্ জিংকানিগানি বাঁজেবাত্তে তা নাঙে তঅ আঢ্‌‌তান তুল।”

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

গণাণা 21:7

সেক্কে মানুচ্চুনে যেইনে মোশিরে কলাক্, “লগেপ্রভু আর তর্‌ বিরুদ্ধে কধা কোইনে আমি পাপ গোজ্জ্যেই। তুই ইক্কিনে লগেপ্রভুরে কোজোলী গুরিদে যেনে তে এই বেক্‌ সাপ্পুন্‌ আমা মুজুঙোত্তুন্‌ সোরেই নেযাই।” সেক্কে মোশি মানুচ্চুনোত্তে কোজোলী গুরিলো।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।

বিচের গুরিয়্যেগুন 10:15

মাত্তর্‌ ইস্রায়েলীয়গুনে লগেপ্রভুরে কলাক্‌, “আমি পাপ গোজ্যেই। তর্‌ যিয়েনি গম্‌ মনে গরচ্‌ আমা উগুরে সিয়েনোই গর্‌, মাত্তর্‌ দোয়্যে গুরিনে এবেরা তুই আমারে রোক্ষ্যে গর্‌।”

১ শমূয়েল 1:15

জোবত্‌ হান্না তারে কলদে, “ও মর্‌ প্রভু, সিয়েন নয়। মুই অমহদ দুঃখী; মুই আংগুর-রসও ন-খাং, মদঅ ন-খাং। মুই লগেপ্রভুর মুজুঙোত্‌ মর্‌ মনান্‌ ঢালি দুয়ঙর্‌।