যিশাইয় 26:1 - Chakma Bible

¹ সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 26:1 Iomraidhean Croise

ইষ্রা 3:11

লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

গীতসংহিতা 31:21

বর্ পেইয়্যে লগেপ্রভু। ঘিরি রাগেয়্যে শঅর ভিদিরে তার্ অমকদ কোচ্‌পানা আমক্ অইদে ধোক্ক্যেন্ তে মরে দেগেয়্যে।

গীতসংহিতা 48:12

ও যিহূদার মানুচ্চুন, তুমি সিয়োনর চেরোকিত্তেন্দি ঘুরি এজ, তার তাম্বুলানি গুণি চঅ;

গীতসংহিতা 48:4

রাজাগুনে তারার্ সৈন্যদলুনোরে এগত্তর্ গুরিনে একসমারে উজেই গেলাক্;

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 31:5

পেখ্‌কুনে যেধোক্ক্যেন বাহ্‌বো উগুরে উড়োন্, বেগত্তুন্ খেমতাবলা লগেপ্রভু সেধোক্ক্যেন গুরি যিরূশালেমানরে ঢাগি রাগেব। তে তারে ঢাগি রাগেব আর উদ্ধোর্ গুরিবো, আর তা উগুরেদি যেইনে তারে রোক্ষ্যে গুরিবো‍‍।”

যিশাইয় 31:9

তারার্ রাজাবো দরে ধেই যেবঅ; তার সেনাপতিগুনে বাবতাগান্ দেগিনে অমকদ দোরেবাক্।” সিয়োনত্ যিবের আগুন আঘে, আর যিরূশালেমত্ আগেদে চুলো, সেই লগেপ্রভু এ কধাগান কোইয়্যে।

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 5:1

মুই যিবেরে কোচ্‌পাং তা নাঙে মুই এক্কো গান গেম্, গান গেম্ তা আংগুর খেদ পৌইদ্যেনে। মুড়োবোত্ এক্কান বোল্-বোল্যে জাগাত্ এলদে মর্ পরাণ্যের্ এক্কান আংগুর খেত।

যিশাইয় 56:5

মাত্তর্ তারার ঝি-পুয়োগুন থেলে যে নাঙানি থেদঅ তারাত্তুন্ মঅ ঘরান আর দেবাল ভিদিরে তারা নাঙানি থিদেবর্ গুরিনে সিয়েনি মুই আরঅ ইদোত্ থাই পারা রাগেম। মুই তারারে এমন্ উমরর্ নাঙ্ দিম যিয়েনি পুজি ফেলা ন অবঅ।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিহিষ্কেল 40:5

মুই দেগিলুং এক্কান দেবালদি উবোসনা-ঘরর্ চেরোকিত্তে ঘিজ্যে আঘে। মানুচ্চোর্ আঢ মাবেদে কাদিবো লাম্বাদি ছয় আত্; পত্তি আত্ এক আত্ চের্ আঙুল্ গুরি লাম্বা। তে দেবালান মাবিলো; সিগুন এক্কো মাবেদে কাদি দাঙর্ আর এক্কো মাবেদে কাদি অজল্।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 2:9

মুই তারার্ বিরুদ্ধে হামাক্কায় মঅ আঢ্‌‌তানি তুলিম, সেক্কে তারার্ চাগরুনে তারারে লুদেবাক্।” ইয়েন যেক্কে ঘুদিবো সেক্কে তুমি বুঝি পারিবা যে, বেগত্তুন্ খেমতাবলা লগেপ্রভুই মরে পাদেয়্যে।

গণাণা 21:17

সেক্কে ইস্রায়েলীয়গুনে এই গান্নো গেলাক্: “ও কূয়োবো, তুই পানিলোই ভুরি উঠ্‌। তুমি এ কূয়োবো পৌইদ্যেনে গান গরঅ।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।