যিশাইয় 25:9 - Chakma Bible

⁹ সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 25:9 Iomraidhean Croise

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

গীতসংহিতা 100:1

ও দুনিয়ের বেক মানুচ্চুন্, তুমি লগেপ্রভুর নাঙে জয় জয় গরঅ।

গীতসংহিতা 20:5

তর্ জিদেনালোই আমি যেন হুজি ওই আর আমা গোজেন নাঙে বাবতা উড়েই। লগেপ্রভু তর্ বেক্ তবনাগানি গ্রাজ্য গোরোক্।

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

গীতসংহিতা 33:20

আমি লগেপ্রভুত্তে বাজ্জেই আগিই; তেয়ই আমার এযাল্‌দিয়্যে আর আমা ঢাল।

গীতসংহিতা 33:21

অয়, তারে ঘিরি রোইয়্যেদে আমা মনর্ রঙ্গ-ফুত্তিগানিয়ে, কিত্যে আমি তার্ পবিত্রতাগান উগুরে বিশ্বেজ্ গুরিই।

গীতসংহিতা 40:17

মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

গীতসংহিতা 95:1

এজঅ, আমি লগেপ্রভুর নাঙে হুজির গীদ্ গেই; আমা রোক্ক্যেগুরিয়্যে মুড়োবোর নাঙে রঙ্গ-ফুত্তি গুরিই।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 60:16

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিশাইয় 65:18

মুই যিয়েন বানেম্ তুমি যেনে উমরত্যে হুজি থাগঅ আর ফুত্তি গরঅ, কিত্তে মুই যিরূশালেমানরে এক্কান ফুত্তির্ জিনিস আর তা মানুচ্চুনোরে এক্কান হুজির্ জিনিস ইজেবে বানেম্।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

সখরিয় 10:7

ইফ্রয়িমীয়গুনে বোলী মান্‌‌‌‌জ্য ধোক্ক্যেন অবাক্, আংগুর-রস খাইদ্যে ধোক্ক্যেন তারার মনানি হুজি অবঅ। সিয়েনি দেগিনে তারার্ পুয়ো-ছাগুনে হুজি অবাক্; তারার্ মনানি মরে নিইনে ফুত্তি গুরিবাক্।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

ফিলিপীয় 3:1

জেরেদি কং, মর্ ভেইয়ুন, তুমি প্রভু লগে আঘঅ বিলিনে হুজি অ। তমা ইধু আরঅ একই কধা লেগদে মর্ কনঅ দুঘ্ ন-অর্, আর তমারে উজিয়ার্ গুরিবাত্যে সিয়েন গরানা গম্।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।