যিশাইয় 25:8 - Chakma Bible

⁸ মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 25:8 Iomraidhean Croise

গীতসংহিতা 116:8

ও লগেপ্রভু, তুয়ই মরণত্তুন্ মঅ পরাণান্, চোগো পানিত্তুন মঅ চোগ্‌কুনোরে, আর বিজিদি যেইয়্যে আঢত্তুন্ মঅ টেঙানিরে রোক্ক্যে গোজ্যস্।

গীতসংহিতা 69:9

তঅ ঘরানত্তে মর্ যে গভিন কোচ্‌পানা, সেই কোচ্‌পানাগানে মঅ মনানরে জ্বালেয়্যে। যিগুনে তরে অগমান গরন্ তারার বেক্ অগমানানি মঅ উগুরে পোজ্যে।

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 37:3

তারা যিশাইয়রে কলাক্, “হিষ্কিয় কোইয়্যেদে, এচ্চ্যে দিন্নো অলঅ দুঘোর্, সাজা পেবার আর অসর্মানর দিন। আমা অবস্থা এধোক্ক্যেন ওইয়্যে যেন পুয়ো-ছাগুনে জর্ম অবার মুয়োনত্ এচ্চ্যন্ মাত্তর্ জর্ম দিবার খেমতা নেই।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিশাইয় 65:19

মুই যিরূশালেমানরে নিইনে ফুত্তি গুরিম আর মঅ মানুচ্চুনোরে নিইনে হুজি ওম্; সিয়েন ভিদিরে আর কনঅ কানাকুদির্ রঅ শুনো ন-যেবঅ।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

যিরমিয় 31:16

তর্ কানাকুদিগান থামা আর চোগো পানিগান পুয্, কিত্তে তঅ কামর্ বক্‌শিজ্‌চান তুই পেবে। তারা শত্রুগুনো দেজত্তুন ফিরি এবাক্।‍‌

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

লূকে লেখ্যে গম্ হবর্ 1:25

“ইয়েন প্রভুর কাম্। মান্‌জ্য ইধু মঅ লাজানাগান্ দূর্ গুরিবাত্তে তে ইক্কিনে মইন্দি রিনি চেইয়্যে।”

১ করিন্হীয় 15:26

শেষ শত্রুবো যে মরণান্, তারেয়ো ভস্ত গরা অবঅ।

১ করিন্হীয় 15:54

যিয়েন বর্‌বাদ অয় আর যিয়েন মুরি যায়, সিয়েনি যেক্কে সেবাবোত্যে গুরি বুদুলি যেবঅ সেক্কে পবিত্র বোইবোর্ এ কধাগান্ পূরোণ অবঅ যে, “মরণান্ ভস্ত ওইনে জিদেনাগান এচ্চ্যে।”

২ তীমথিয় 1:10

মাত্তর্ ইক্কিনে আমার উদ্ধোর্ গুরিয়্যে খ্রীষ্ট যীশুর এ জগদত্ এজানায় তে সেই দোয়্যেগান ফগদাং গোজ্জ্যে। খ্রীষ্ট মরণানরে ভস্ত গোজ্জ্যে আর গম হবরর্ মাধ্যমে ভস্ত ন-ওইয়্যে জিংকানির্ কধা ফগদাং গোজ্জ্যে।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

ফগদাং পেইয়্যে 20:14

যেরেদি মরণ আর চিদাখলাগানরে আগুনো পুয়োরত্ ফেলেই দিয়্যে অলঅ। এই আগুনো পুয়োরত্ পড়ানা অলঅ দ্বি পল্লা মরানা। যিগুনোর নাঙান্ সেই জিংকানি-বোইবোত্ পাহ্ ন-গেলঅ, তারারেয়ো আগুনো পুয়োরত্ ফেলেই দিয়্যে অলঅ।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”