যিশাইয় 24:8 - Chakma Bible

⁸ ঝোন্‌ঝোনির ফুত্তি, রঅ ছাড়িয়্যেগুনোর রঅ আর বীণার হুজির গান বেক্কানি থামেব।

যিশাইয় 24:8 Iomraidhean Croise

ইয়োব 3:7

সে রেত্‌তো ভাজ্‌ ওক্‌, কনঅ রঙ্গ-ফুত্তির্‌ গান তা ভিদিরে শুনো ন-যোক্‌।

ইয়োব 30:31

মর্ বীণাবোত্তুন্ ইক্কিনে দুঘোর্ সুর্ এজের্, আর বাশীবোত্তুন এজের্ আবিলেজর্ সুর্।

গীতসংহিতা 137:2

সিদুগোর উইলো গাজত্ আমার বাজনাগুন্ আমি টাঙেই রাগেদং।

যিশাইয় 16:10

ফল বাগানানিত্তুন্ ফুত্তি আর হুজির ভাব্‌পান দূর্ গরা ওইয়্যে। আংগুর-খেদত্ আর কনজনে গান বা রঅ ন-ছাড়ে, আর আংগুর মাড়েদে জাগানত্ কনজনে মাড়িনে রস ন-নিগিলেন, কিত্তে সে রঅ ছাড়ানাগান বন্দ গুরি দিয়্যে ওইয়্যে।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিশাইয় 5:14

সেনত্তে মরন জাগায়ানে তা গত্তনার্ নালীবো পাদাজ্যে গোজ্যে, তা মুয়োন্ অমকদ দাঙর্ গুরিনে আ গোজ্যে। সর্মানি আর সাধারন মান্‌‌জ্যে, কোজ্যে বাজেয়্যে আর রঅ ছাড়িয়্যেগুনে বেক্কুনে সিয়েনত্ লামিবাক্।

যিরমিয় 16:9

কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

যিরমিয় 25:10

মুই তারা ভিদিরেত্তুন্ ফুত্তি আর হুজির্ রঅ, নেগ আর মোগোর রঅ, মিশিনোর্ রঅ আর চেরাগ পহর্ দূর্ গুরি দিম।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

আবিলেচ্ 5:14

শঅর-গেদো ইধু বুড়ো নেতাগুনে আর ন-বজন্; গাবুজ্যেগুনে বাজনা বাজানা থামেয়োন্।

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।

হোশেয় 2:11

মুই তার বেক্ রঙ্গ-ফুত্তির্ অনুষ্ঠান, পরব্, আঙোস্যে, জিরেবার দিন-এক কধায় তার্ বেক ঠিগ্ গোজ্যে পরব্‌‌পুন বন্ধ গুরি দিম।

আমোষ 6:7

সেনত্তে যিগুনে বন্দী ওইনে অন্য দেজত্ যেবাক্ তারা ভিদিরে তুমিই অবা পত্তম; সেক্কে তমার্ বলান্যে হানা আর কিয়্যে টানানা শেজ্ অবঅ।

ফগদাং পেইয়্যে 18:22

যিগুনে বীণা বাজান্, গীদ্ গান্ আর বাশী বা তূরী বাজান্ তারার্ রগুন আর কনদিনঅ তমা ইধু শুনো ন-যেবঅ। আর কনদিনঅ তমা ইধু কনঅ বাবদে কাবিল মিস্ত্রি পাহ্ ন-যেবঅ। কনঅ মিশিনো আবাজ্ আর কনদিনঅ তমা ইধু শুনো ন-যেবঅ।