যিশাইয় 24:5 - Chakma Bible

⁵ পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিশাইয় 24:5 Iomraidhean Croise

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

২ রাজাবলী 21:12

সেনত্তে মুই ইস্রায়েলর গোজেন লগেপ্রভু কঙর্‌, মুই যাদিমাদি যিরূশালেম আর যিহূদা উগুরে এন্‌ দযা আনি দিম, সে কধাগান যিগুনে শুনিবাক্‌ তারা বেক্কুনোর জারকাদা সারি উদিবো।

২ রাজাবলী 21:15

কিত্তে মঅ চোগেন্দি যিয়েনি বজং তারা সিয়েনি গোজ্যন্‌ আর যেদিন্যে তারা পূরোণি মানুচ্চুনে মিসর দেজত্তুন্‌ নিগিলি এচ্ছ্যন্‌ সেদিন্যেত্তুন্‌ ধুরি এচ্ছ্যে সং তারা মরে অহুজি বানেয়োন্‌।”

২ বংশধর 33:9

যিহূদা আর যিরূশালেমর মানুচ্চুনোরে মনঃশি ভান্ন্যেই পধেন্দি নেযেল; সিয়েনত্তে লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ভস্ত গুরি দিয়্যে তারাত্তুন্‌ বেশ্‌ তারা আরঅ ভান্ন্যেই কাম্‌ গরা ধুরিলাক্‌।

গীতসংহিতা 105:10

তে তার সুদোমান্ যাকোব ইদু নিয়ম ইজেবে আর ইস্রায়েল ইদু উমরর্ সুদোম ইজেবে ফগদাঙ্ গোজ্যে।

গীতসংহিতা 55:5

মরে দর্‌বুগে আর গির্‌গিরেনিয়ে ধোজ্যে; অমকদ দরে মুই জুরো গুরি আগং।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 33:8

রাজপথ্‌তানি খালি, কনঅ মান্‌জ্যে পথ্‌তান ইন্দি ন-যাদন্। চুক্তিবো ভাঙি যেইয়্যে; শঅরানিরে কনঅ দাম দিয়্যে ন-যার্ আর কাররে সর্মান গরা ন-অর্।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:24

কিত্তে তারা মর্ রীদি-সুদোমানি ন-পালান, মর্ সুদোমানি এলাফেলা গোজ্যন্, মর্ দিয়্যে জিরেবার দিনুনোর পবিত্রতাগান রোক্ষ্যে ন-গরন, আর তারার পুরোণি মানুচ্চুনোর মূত্তিগুন তারা ইধু গম্ লাক্যে।

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 9:10

আমি আমা গোজেন লগেপ্রভুর কধালোই বাধ্য ন-ওই; তর্ চাগর্ ভাববাদীগুনোর মাধ্যমে তর্ দিয়্যে উগুমানি আমি ন-পালেই।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

লেবীয় 20:22

মুই তমারে যে দেজ্‌চানত্‌ বজত্তি গুরিবাত্তে নেযাঙর্‌ সেই দেজচানে যেনে তমারে উগুলি ফেলেই ন-দে সেনত্তে মর্‌ বেক্‌ সুদোমানি আর রীদি-সুদোমানি তমাত্তুন্ পালন গরা পুরিবো।

লেবীয় 26:35

তুমি নিজোর্‌ দেজত্‌ বজত্তি গুরিবার্‌ অক্তত্‌ তমার্‌ ভূইয়ানি জিরেবার্‌-বজরুনোত্‌ জিরেন্‌ ন-পায় বিলি যেক্কে দেজ্‌চান্‌ ভস্ত ওইনে পড়ি থেবঅ সেক্কে ভূইয়ানি জিরেন পেবঅ।

মীখা 2:10

তুমি উদো, যগোই, ইয়েন দঅ তমার জিরেবার জাগা নয়; কিয়া তুমি দেজ্‌‌‌চানরে অসিজি গোজ্য, সেনত্তে সিয়েন জদবদে ভস্ত ওই যেবঅ।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 9:1

গোজেনর্ সেবা আর উবোসনাত্যে পত্তম বেবস্থাগানত্ কদক্কানি সুদোম দিয়্যে ওইয়্যে আর এ জগদত্ উবোসনাত্যে বিশেষ এক্কান জাগার্ কধায়ো সিয়েনত্ এলঅ।

যিহোশূয় 24:25

যিহোশূয় সেদিন্যে ইস্রায়েলীয়গুনোত্তে এক্কান্‌ সুদোম্ ঠিগ্ গুরিলো আর শিখিমোত্‌ রীদি আর সুদোমানি পালেবাত্তে তারারে উগুম দিলো।